Maliro 1:6 - Mawu a Mulluku

⁶ Ntitimiho nittheene noommallella, mwaana aamutthiyana, Ziyoni. Enduna ddaye ddiri wonanko amphoyo oorama munyepu, kheyaarina masiva owaathawella adaniiwa.

Maliro 1:6 ပူးပေါင်းရင်းမြစ်များ

Ezekiele 24:25

Vatulli viwa Apwiya yaakilleella wi, “We mwaana a muthu, nllapo nimodda athu yaalla kineerewaakumullella mpanda yakotelliiwa oreera wiwa, oyo waaya m'mwiitthoni yaawoonaka nave yawuhiyiiwa vamurimani. Kineerewaavenyiherattho aniiwa aallopwana ni aatthiyana.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Yeremiya 52:11

Vano yaamukhumihamo miittho Zedekiya, emmaka ni onyolo emuyaana o Babiloni. Wenko yaamuvokhella mundende wi akhallemo ophiyera okhwa waye.

Yeremiya 48:41

Mizinda ddineerophariwa nave mipanda ddineerewaakhiwa. Nllapo nenno mirima ddoollipa o Mowabu ddineerotthukumella wonanko mutthiyana vooyarani.

Yeremiya 47:3

Eneerewiiwa mukhito wa akavalo oothamaka, eneerewiiwa onyakulla wa magareta ni winlla wa magudumu. Makhollo kheyaapwatha aniiwa, eneerorama yaweera.

Yeremiya 29:4

“Apwiya Amasiva Mattheene, Mulluku a Israele, anaalleella athu attheene a o Yerusalemu ayo awaakhullelleeye wi ephariwe okaporo oya o Babiloni wi,

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yesaya 4:5

Sika Apwiya eneerohuruwella mwaango muttheene wa Ziyoni ni athwiiwa ni murapo otthaana ni mwiisi owaaka munllo woowala mahiiyu.

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Masalimo 96:9

Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Masalimo 50:2

Apwiya ennawala mu Ziyoni, muzindiiwa wooreeresesa.

2 Mamwene 19:21

Voomuvaanyihani mwenooyo Apwiya yaallota wi, “We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Deuteronomo 32:30

Ethiyo muthu mmodda aagonjihalle mwawiidde athu 1,000, athu eelli yaagonjihalle mwawiidde athu 10,000? Ethiyo khehiyo ekaamba yawi Nlluku niwa ohaareya etulli, ekaamba yawi Apwiya ahaatathilla?

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

2 Mamwene 25:4

mpanda wa muzindooyo waaphovolliwa. Naari Ababiloni yawaapheelle muzindooyo komave akhoto attheene yaathawamo mahiiyu vookhumellani va mullako wa variyari va esiri piilli, vakhuviru ni emata ya mwene. Nave yaathawella o Araba.

2 Mamwene 25:5

Koma akhoto a Ababiloni yaamuthwara Zedekiya ophiyera yaamphara o matapo a Yeriko. Nave akhotwaaye yaapallalleya emuhiya.