Maliro 1:5 - Mawu a Mulluku

⁵ Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

Maliro 1:5 ပူးပေါင်းရင်းမြစ်များ

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

Maliro 3:46

Adanaahu attheene aanaatthamella moonyaambusa nave ennaninyindulla.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Yeremiya 12:7

“Koovenyawo onyumbani waka, koohiya yoohallanaaka, koomuvelleella ookondiwa a vamurimani m'mattani mwa adanaaka.

Yeremiya 5:29

“Koma mi Apwiya kinallota wi, ‘Ethiyo sika ttuulephela waallaka ekaamba ya ddenndda, oohiwuhokollosella ddoonanara mutundu wawi ddiiddoolla?’

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Masalimo 89:42

Mohaapaambaniha oomwiita, mohaahakallalliha adanaaye attheene.

Masalimo 80:6

Moonitthattusa ello yoovevuwa wa mitundu ddoonaapheella, adanaahu yakhalla vamodda ennanittheya.

Deuteronomo 31:29

Kinnadduwella wi miyaano kakhwa, attheenenyu muneeronanara murima nave muneerohiya ettilla kinuulamuleemininndda. Koma vatulli viwa, muneerokumana ni ddoohoosa ddawoopiha ddinchichi ekaamba yaweera ddoonanara vamiitthoni va Apwiya ni ottatthamulla owalliiwa ni mafano munaapangeenyu.”

Yesaya 22:5

Nna tti nllapo na ddoohoosa, yoogonjihiwa navettho noovirikana mu ntapo na Masomphenya. Apwiya Mulluku Amasiva Mattheene sika eneerenlle ddenndda. Mipanda ddaakumuwa nave athu yinllella omiyaangoni.

Yeremiya 10:20

Musasaaka wohoonongeya, mikwe ddittheddene ddoophaddeya. Anaaka attheene aakihiya, kheyiivo, khaavo mmodda wi ttuukitthipellella musasa apaalle wi ttuukihuruwella ni ekuwo ddiwa.”

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Ezekiele 9:10

Sika ngiweerella echifundo apaalle waamorella ethakaraka. Kineerewaallaka moollikana ni ddaweera ddiwa.

2 Mamwene 21:15

Ddinaakhalle ddiiddo vawi aheera ddoonanara vamiitthoni vaka nave yookishiha murima ovenyera nllapo nno makhollwiiwa yakhumalliiwa o Iguputo ophiyera ollello.’ ”

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.