Maliro 1:21 - Mawu a Mulluku

²¹ Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Maliro 1:21 ပူးပေါင်းရင်းမြစ်များ

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Maliro 2:15

Attheene oovira m'musewuni ennoopa matta mwawuunyindulla. Ennuuttheya ni wuupukusella muru, we mwaana aamutthiyana, Yerusalemu. Alliwa enallota wi, “Ethiyo muzindoolla tti olle khalle weeriwa woodalesesa, muzinda woohakallalliha ellapo yavatthi ettheene?”

Maliro 1:22

“Muweeruze va mitteko ddiwa ddittheddene ddoonanara, mwaallake wonanko mwakillakelleenyu ekaamba ya ddoolakwa ddaka ddittheddene. Kinimiipullella wunchichi, nave murimaaka woofookellaatu.”

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Yeremiya 50:11

“Nyu Ababiloni, mwahoononga yoohallanaaka. Naari mweelliweve murima, muhakallalleve, mulluphellupheve wonanko musaanaang'ombe oomuuputha tirigu apaalle mwinlleve mwawiitukhulla wonanko akavalo,

Masalimo 35:15

Koma miyaano kakwakwatuwalleemi alliwaayo yaatthukumana ehakallallaka. Ookuukutha yaakuupa, yaakuukutha moohihiyerera.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yeremiya 51:24

Apwiya enallota wi, “Nyu moonaka, kineeromuhokollosella ddoonanara Babiloni ni attheene ookhallamo ekaamba ya machimo mattheene eerilleeye o Ziyoni. Mi Apwiya koollota.”

Yawuupullulla 18:6

Mumuhokolloselle aweerenlleeyeni, mumullivellihe opiilli va ddittheddene enreeye. Mumuwiryihe opiilli kapwaaye a yoowirya yoowalli wonanko yoowirya uuvahilleni olliyooyo.

Yowele 3:14

Athu ooheerengeya eri mu ntapo na Echiweruzo, nllapo na Apwiya nohaatamellawo.

Ezekiele 26:2

“We mwaana a muthu, athu a o Tiro yaamunyemulla Yerusalemu wi, ‘Ha! Olle waari mullako woovollowella mitundu dda athu ohoonongeya. Millako ddaye ddoonihulleyella vano nineerokhalla ni eyuuma vawi ootthattuwa ntepe.’

Yeremiya 51:49

Babiloni anaphwanella omora ekaamba ya ayo yiiphiwe o Israele wonanko mmo yamorelle athu a va ellapo yavatthi ettheene ayo yiiphiwe ni olliye. Mi Apwiya koollota.”

Yeremiya 50:31

Apwiya Mulluku Amasiva Mattheene enallota wi, “We Babiloni, kineerewuuhella ekhoto ekaamba yawi onnitukhulla vawi enthawaawo yookwakhwana, noophiya nllapo nawo na ollakiwa.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

Yeremiya 48:27

Mowabu, onnuupuwella mmo wamunyaambuselleewe Israele nave mmo waavevullelleewe wonanko allupaawiiya?

Yeremiya 30:16

Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.

Masalimo 38:16

Vawi kinnavekella wi, “Muhaakhullelle wi ehakallallelle va miyaano ayo enakinyemulla yoona wi kooserenguwa.”

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

Yesaya 14:5

Apwiya aakotholla muwashullo wa athu oonanara, ahinttaka ekopo yoomwene ya oolamulella.

Yesaya 14:6

Olliye aanalamulella mweekuku ni oddihoosa moohihiyerera mitundu dda athu.

Maliro 2:16

Adanaawo attheene yoowaatthamella enuunyindulla, enuuttheya ni okhuuriha miinwiiwa. Nave ennallota wi, “Ddawoona, noowoononga! Aha! Nna sika nllapo nanitiyerelleehu! Vano noophiya nave noonoona.”