Maliro 1:20 - Mawu a Mulluku

²⁰ Nyu Apwiya ngoonani, vawi koopaneya, murimaaka woohoowa wunchichi. Murimaaka wookhumamo ekaamba yawi koohuuwukilani wunchichi. M'musewuni athu erinawiiphiwa ni nsupada, navettho mpa muri okhwa.

Maliro 1:20 ပူးပေါင်းရင်းမြစ်များ

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Ezekiele 7:15

“Otte ori ekhoto, mpa muri mullilli ni ettalla. Athu a m'mawaani eneerokhwa ni ekhoto nave a m'mizindani eneerokhwa ni mullilli owaaka ettalla.

Yesaya 16:11

Sika murimaaka oninlla wunchichi omwinllella Mowabu nave kinniipullella ekaamba ya woonongeya wa Kiriheresi.

Deuteronomo 32:25

Otte wa enyumba eneerokhwa ni nsupada, muwari mwa enyumba eneerokhwa ni woova. Asombwe ni anamwalli eenerewoonongeya, Akantchewa ni awuulluvalleene khevulluwa.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

Yobu 30:27

Murima onnakivoreya mooramiha murendelle, mallapo a ddoohoosa aakimorella.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Maliro 1:11

Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yeremiya 48:36

“Sika murimaaka onnamwinllella Mowabu wonanko nipallapata. Murimaaka onawinllella athu a o Kiriheresi wonanko nipallapata, ekaamba yawi eyuumiiwa ettheene yayiphwannyiiwa yoomalla.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yeremiya 14:18

Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 2:35

munallota wi, ‘Hi khenichimwalle, vano owalli wa Apwiya wooriirya.’ Mi kineerowiipanive mullatu ekaamba yoollota wi khemuchimwalle.

Yesaya 38:14

Kaaninlla wonanko neenkhaare oopaneya, kaaniipullella wonanko ekhunda yookhupanya. Miitthwaaka yaatopa ni oweha oddullu. Nyu Apwiya, kinnahoosiwa, waawoni mukaakihe.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

Masalimo 38:8

Kootopa nave koonyenyeya, kinniipullella ekaamba yookatamihiwa.

Yeremiya 14:20

Nyu Apwiya, nohuuchimwellani wunchichi, ninnaakhullella machimwaahu ni a makhollwaahu.

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Maliro 5:16

Enduwiraahu yoomora omuruni, ootulli hiyaano vawi noochimwa.