Maliro 1:2 - Mawu a Mulluku

² Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Maliro 1:2 ပူးပေါင်းရင်းမြစ်များ

Masalimo 6:6

Kootopana wiipullella, erive mahiiyu kinnanaaniha yoohameella murwaaka ni miitthori. Kinnaddalliha maaddi vookona vaka ekaamba ya winlla waka.

Mika 7:5

Ohimuroromelleke munasaawo apaalle mukhwaawo a vamurimani. Ohaaheyeke okawana ddawiipittheya naari ni ookona omirimani wawo.

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Maliro 1:19

Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yeremiya 4:30

We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Masalimo 31:11

Adanaaka attheene enimakinyemulla, akhwaaka attheene enakeesa ello yoonanara. Athu awimoona odduwellanana enakeesa yawoopiha. Athu ookoona m'musewuni ennakithawa.

Yawuupullulla 17:16

Manyaka khumi woonilleewe ni enama yuullupalli yawoopiha, ddineerewiitana ni hulooyo. Eneeromwaakha erive ello ariiyena eneeromuhiya ari epwillimwinddive, eneerottakhuna mwiillaaye nave eneeromwiipha voomoosani munllo.

Yawuupullulla 17:13

Mamwene mattheenaalla eneerewiiwanana wi evelleelle masiviiwa vamodda ni olamulellwiiwa wa enama yuullupaalli yawoopiha.

Hoseya 2:7

Aneerothamakella ezibwenzi ddaye koma khaddiphwanya. Vano aneerollota wi, ‘Kihokollweelle wa mamunaka vawi khalle kaanakhalla phaama ohiyana ni muttano.’

Ezekiele 16:37

Vano kineerewaatthukumaniha ookondanaawo ayo yahakallalla ni weyaano, attheene ayo waakondeewe ni ayo wawiiteewe. Kineerewaatthukumaniha ovenyera embali ddittheddene nave kineerewuurulla vamiitthoni viwa wi yoone epwillimwinddaawo.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Miyambo 19:7

Muthu oohoowa anniitiwa ni abalaaye. Ethiyo akhwaaye attheene khenarekamellana? Naari eeseeseve ollota mawu, khenakhalla ni mutteko.

Yobu 7:3

kinnahoowa enthawi ddittheddene, naari mahiiyu kinnoona ovoreya.

Yobu 6:15

Koma akhwaaka tti awoottha, tti wonanko maaddi am'mitthipiddani, wonanko asimihinje oohillekella wumma.

Masalimo 126:5

Athu ayo enamidda yinllaka, eneerohata ehakallallaka.

Yeremiya 2:25

We Israele, ohaakhullelle wi nnyallo nawo nillalle, ommilloni wawo wumme ni nthona voothwarani milluku ddimodda. Koma we onallota wi, ‘Iyaayi, ngeerella mwaamodda, kinakonda milluku ddeelleto, ngiwora ohiya oddithwara.’ ”

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.