Maliro 1:17 - Mawu a Mulluku

¹⁷ Ziyoni ootukhulla matta, koma khaavo naari mmodda oomukhurumusa. Apwiya aalamula moomuvaanyiha Yakobo wi awaatamananaaye etthattuwe adanaaye. Yerusalemu ootthattuwa ello yoonanara variyari viwa.

Maliro 1:17 ပူးပေါင်းရင်းမြစ်များ

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Maliro 1:19

Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

2 Mamwene 25:1

Va muyakha waneetthanu ni sese wa omwene wa Zedekiya, nllapo naneekhumi na mweeri, Nebukadinezara mwene a o Babiloni aawa ni akhotwaaye attheene wi ehelle ekhoto muzinda wa Yerusalemu. Nave yaawaapheella virive veko ni misasa owaaka mikhuttu ddakhoto.

Hoseya 8:8

Aisraele aamiryiwa, aatthattuwa wonanko nikattuphe variyari va mitundu ddimodda.

Ezekiele 36:17

“We mwaana a muthu, Aisraele yakhalliiwa mwiillaponi mwiwa yaayiripiha ni makhallellwiiwa navettho ddaweera ddiwa. Kahoona wi makhallellwiiwa yaari oonanara va mallapello wonanko mutthiyana ari omweerini.

Maliro 4:15

Athu yaanaakhuwella wi, “Khaweni nko! Ooripihiwanyu, muhinittannye!” Sika yaathawa, eneeteeta, nave athu a mitundu ddimodda yaallota wi, “Ehikhallettho ni hiyaano.”

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Maliro 1:2

Akhallelle winllave mahiiyu mattheene, maramaaye yoohapa miitthori. Mwa attheene ayo yamukonda, khaavo naari mmodda awi amukhurumuseke. Akhwaaye attheene khenaroromelleya, attheene aatthattuwa adanaaye.

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yeremiya 6:3

Mamwene eneeroowa ni akhotwiiwa ni otthipella misasa moomwaapheella Yerusalemu nave arive mwene aneerewaatthukumaniha mullokwaaye va yeekha.

1 Mamwene 8:38

mwiiwe mavekellwiiwa. Arive muthu apaalle athwaanyu a Israele yadduwella ddookatamiha m'murimani mwiwa nave yavekella wa nyuwaano mootukhullella mattiiwa muddullu o enyumbeella,

1 Mamwene 8:22

Vano Solomoni ahiimella vahoollo va nikuwa na Apwiya, mutthukumano wa Aisraele attheene woonaka nave aatukhullella mattaaye muddullu.

Yeremiya 8:18

Okhupanya waka tti woohimalla, murimaaka woofooka.

Yeremiya 12:9

Yoohallanaaka tti wonanko epallame yamankhaanga, yawaapheelliwa otthewene ni aneekhwaambe. Khaweni mwatthukumanihe enama ddamuhakani, muweena o machellello.

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Yesaya 54:11

“We muzinda woohoosiwa, woorama nikavihero, woohikhalla ni awuukhurumusa murima, kineeroweeriha mallukwaawo, kineeromakattho matthipellwaawo ni malluku oowallamella mutengo a Safire.

Yeremiya 15:5

Apwiya enallota wi, “Ethiyo ttaani anuumorelle ethakaraka we Yerusalemu? Ethiyo ttaani anuurukunuwelleni uupwatheni? Ethiyo ttaani anaawuupwatheni?