Maliro 1:13 - Mawu a Mulluku

¹³ “Aarumiha munllo ovenyera oddullu, waavollowa ophiyera muwari mwa makhuvaaka. Aareya mullapa manyallwaaka, nave aakihokollosella mutulli. Aakihiya kiri ni ethakaraka ddinchichi, kiri oofooka nllapo nittheene.”

Maliro 1:13 ပူးပေါင်းရင်းမြစ်များ

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Yobu 30:30

Nttapara nohaamba oripa ni ophinyuwa, makhuva ennakipwesa ni ovihiha mwiilli.

Ezekiele 17:20

Kineeromureya nthavi nave kineeromukola mu musamphaaka. Kineeromupharella o Babiloni nave kineeromullaka wenko ekaamba yawi khaakiroromenlle.

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Yobu 19:6

Ethiyo khamunadduwella wi Mulluku sika akirukunuwelle, olliye sika akireyille musampha yoolla.

Aheberi 12:29

Vawi Mullukwaahu ari wonanko munllo wawoononga.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Ezekiele 12:13

Koma kineeromureya nthavi nno ninaamukole. Kineeromukusella o Babiloni ellapo ya Akaldeya koma khoonaka nave anaakhwelle wenko.

Masalimo 66:11

Nyuwaano mwaanikoliha munikwekweni na adani, mwaanireya katundu awaata vamutthanani vahu.

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

Hoseya 7:12

Orive weko enaayeekiiwaawo kineerewaareya nthavi. Kineerewaamoriha wonanko epallame ddoovava. Kineerewaallaka ekaamba ya ddoolakwa ddiwa.

Ezekiele 32:3

Mi Apwiya Mulluku kinallota wi kaatthukumaniha athu a mitundu ddinchichi, kineerewuuvokhella nthavi nave alliwa eneerewuuphara munthavini naka nuullupalli.

Maliro 5:17

Ekaamba ya yeella mirima ddahu ddookukhumulleya navettho m'miitthoni mwahu moowa epiphi.

Maliro 1:22

“Muweeruze va mitteko ddiwa ddittheddene ddoonanara, mwaallake wonanko mwakillakelleenyu ekaamba ya ddoolakwa ddaka ddittheddene. Kinimiipullella wunchichi, nave murimaaka woofookellaatu.”

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Yesaya 42:17

Attheene oororomella mafano, enallota wa mafanwaayo wi, ‘Muri milluku ddahu,’ eneerovevulliwa ni owullihiwa muru.”

Masalimo 129:5

Athu attheene awiitana ni Ziyoni ewullihiwe muru, ehokollweelle mutulli.

Masalimo 35:4

Evevuwe nave ewulliwe muru attheene enaashaasha okumaaka. Ehokollweelle mutulli ethawe mwanampallalla ayo enapanganella yoonanara.

Masalimo 31:10

Okumaaka onimallalla ekaamba ya ethakaraka, miyakha ddaka ddinimallallattho ekaamba ya winlla. Masivaaka aamalla ekaamba ya olakwa waka, makhuvaaka aallanddeya.

Yobu 18:8

Manyallwaaye ennammorihella munthavini, vaweetani annamorella munllitini.

Deuteronomo 28:65

Khemuwa muphwanya murendelle apaalle nipuro naanyunaanyu orive weko. Munaakhalle ookhumuwa, oorama nikavihero ni ootathilla murima nave Apwiya sika enaamorihe ddenndda va nyuwaano.

Masalimo 38:8

Kootopa nave koonyenyeya, kinniipullella ekaamba yookatamihiwa.

Masalimo 140:5

Athu awiitukhulla aakireya musampha mwawiipittheya, nikwekwe, millapa mukhwipi mwa ettilla.

Eksodo 12:9

Muhiiyiche ekitthi apaalle yawaapeya koma muyoose ettheene ni murwiiweene, meto ni dda m'mirimani ddittheddene.

Maliro 3:11

Aakhoromaniha ettillaaka, vatulli viwa aakitthallatthalla akihiya mattave.