Maliro 1:11 - Mawu a Mulluku

¹¹ Athwaaye attheene enniipullella vawaashani yoocha vawi eyuumiiwa enaakakhaniha ni yoocha, wi ephwanyettho masiva. Aninlla wi, “Nyu Apwiya, kiweheni, moone mmo enakivevullelliiwa.”

Maliro 1:11 ပူးပေါင်းရင်းမြစ်များ

Yeremiya 52:6

Vano va nllapo naneetthanu ni sese, mweeri waneesese wa muyakha yooyo, ettalla yunnuwalliiwa wunchichi m'muzindanimmo ophiyera wi athu kheyaarina yoocha,

Yeremiya 38:9

“Amwene apwiyaaka, athwaalla yoomweerella ddoonanara wunchichi namallotella Yeremiya. Aamuvokhella mwiihimeni nave vawi buledi oomalla mu muzinda anaakhwelle mwemmo ni ettalla.”

Maliro 2:12

Anamwanaayo enimawinllella ameewa wi, “Ethiyo yoocha ni maaddi ddiri wuuwi?” Enakoha ddenndda nngu engomowaka wonanko athu oohomiwa m'misewuni dda m'mizindani, elluwellaka vang'ono vang'ono m'mattani mwa ameewa.

Maliro 2:20

Ngoonani, nyu Apwiya, wehani! Ethiyo ttaani oyo mwaambillekeenyu omuhoosa mwawi ddiidda? Ethiyo atthiyana yaattakhuneke aniiwa yaayarilliiwa? Ethiyo allupa mukutho ni anamallotella yiiphelliwa mu nipuro naweella na Apwiya?

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yeremiya 19:9

Kineerewaawatihera athwaayo wi yaattakhune aniiwa aallopwana ni aatthiyana. Eneerottakhunana va enthawi yawoopiha vawaapheelliwani ni adaniiwa wi yaahoose.’ ”

Yobu 40:4

“Ddawoona, miyaano kheello! Ethiyo ttuuwaakhullani tini? Khayiivo, muwano mookumma.

2 Mamwene 6:25

Mu Samariya mwaakhalla ettalla yawoopiha ekaamba yawi Asiriya yahaapheella muzindooyo ni misasa ddakhoto, mwawi muru mmodda wa bulu wakulliwa makobiri asiliva 80. Nave manyaankhu a ekhunda oollemella magaramu 200 yakullihiwa makobiri matthanu asiliva.

Yeremiya 15:19

Sika Apwiya yahaakhulla wi, “Wahokollweella wa mi, kineerowaakhellattho nave oneerokirumeyellattho. Waallotaka ddawoona ohiri ddoohikhalla ni mutteko onaakhalle namallotellaaka. Athu yaalla eneerohokollweella wa weyaano koma we khohokollweella wa alliwa.

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.

Maliro 5:1

Nyu Apwiya, upuwellani ddinimorenllenndda, ngoonani nave wehani owullihiwa muru wahu.