Maliro 1:1 - Mawu a Mulluku

¹ Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Maliro 1:1 ပူးပေါင်းရင်းမြစ်များ

Yesaya 3:26

Sika va millako ddawo vineerokhalla winlla nave oneerotthollosiwa ni okeraatthihiwa muthaani mattave.

Ezara 4:20

Nave mamwene amasiva yaakhalla elamulellaka mu Yerusalemu ni echigawo ettheene ya vakhopella wa muhinje yaakhellaka kasitomu, musonkho ni erive ello.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

Yesaya 54:4

Ohoove kaambiiwa khewa yuunyaambusattho, ohitathille murima vawi khewa yuuvevullattho. Oneerotiwalla nnddo dduuwulliha muru va esombwaawo, owulliwa muru wa onaamukhwellaawo khowuupuwellattho.

Zefaniya 2:15

Yooyo tti muzinda oyo waddeesa wookeraattheya, oyo m'murimani mwiwa wallota wi, “Meeneve, khaavottho mmodda!” Vano ngoonani mmo woonongeyelliiwa! Wootthattuwa ntepe nookhallamo enama ddamuhakani, arive muthu oovira mwemmo aneerekewoopa musoonyo nave aneerekotikha muru.

Maliro 5:16

Enduwiraahu yoomora omuruni, ootulli hiyaano vawi noochimwa.

Yesaya 22:2

We muzinda wooddalla ni wootokollolla! We muzinda wootokollolla ni woonyakulla. Athwaanyu kheyiiphiwe ni nsupada apaalle ni ekhoto.

2 Mamwene 23:35

Vano Yehoyakimu aanavelleella siliva ni golide wa Neko. Komattho aanakhomiha musonkho mwiillaponi mwayemmo wi avelleelle makobiraayo wa mwene moollikana ni mmo amulamulelleeye. Aanamukusa siliva ni golide nnddo athu a mwiillaponimmo yaphwanelliiwa ovelleella moollikana ni eyuuma ya arive muthu nave yaddivelleella wa mwene Neko.

Yawuupullulla 18:7

M'muhoose ni omumoriha ethakaraka ddawinlliha moollikana ni eyuuma owaaka ddoohakallalliha iivahilleeye yeekha. Vawi annallota yeekha wi, ‘Vano ngakiweheni, miyaano tti mwene aamutthiyana, ngihiyo naamukhwelle ngiwa kikumana ni ddawinlliha.’

Ezekiele 26:16

Vano mamwene mattheene a o enyanja eneerokittha m'mipandoni ddiwa ddoomwene. Mikanjo ddiwa eneeroddihiya vakhwipi nave eneerorulla ddoowara ddiwa ddoopeta. Eneerokeraatthi vatthi etthukumellaka ekaamba yawoova nave ekaamba ya nnddo enaaddooniiwa enaakhulle owanoni kakalla’

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Maliro 2:10

Attekweene a mwaana aamutthiyana, Ziyoni, ekeraatthille vatthi, eri khumaa! Ahiihella nthupi omuruni nave ewanre eziguduli. Anamwalli a o Yerusalemu aawaramihella miru ddiwa vatthi.

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Yeremiya 50:23

Ngoonani mmo aphwinyeyelle olle aari wonanko hamala a ellapo yavatthi. Ngoonani mmo Babiloni atthattuwelleeye ello yawoopopiha va mitundu dda athu.

Yeremiya 40:9

Gedaliya mwaana a Ahikamu, edduullu ya Shafani, ahaallupellella attheenaayo wi, “Muhoove waapharella mutteko Ababiloni. Khallani mwiillaponimmo, mumurumeyelleke mwene a o Babiloni nave ddeko ddittheddene ddineerekoweetellani phaama.

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Yesaya 52:2

We Yerusalemu oophariwa ittatthe nthupi, venya, Nyu oomakiwa a o Ziyoni, phaddani onyolo munikohini mwanyu.

Yesaya 14:12

“We thanda, mwaana a ohinase, ngoona mmo omorelleewe ovenyera oddullu. We olle agonjiha mitundu dda athu, wohuuhelliwa vatthi.

Masalimo 122:4

Wenko onnaya malloko mattheene, malloko a Apwiya, wi yaathokoze moollikana ni malamulwiiwa.

Nehemiya 9:37

Vano ddoohata ddinchichi ddinaya wa mamwene mwanivelleelleenyu m'mattani mwiwa vawi naachimwa. Aakhalla ni masiva oonilamulella ni eziweto ddahu sika niri mu ddookatamiha dduullupalli.”

Nehemiya 5:4

Nave athu amodda yaallotattho wi, “Nookongola makobiri wi nikhome musonkho wa mwene wa emata ddahu ni emata ddahu ddampesa.

2 Mamwene 23:33

Sika mwene Neko a o Iguputo aamuhiya Yehowahazi mundende o Ribula mu ellapo ya Hamati wi ahilamulellettho o Yerusalemu. Vatulli viwa ahaakhomiha musonkho wa siliva oollemella makilogramu 3,400 ni golide makilogramu 34.

Yesaya 50:5

Apwiya Mulluku yaakihulla maaru, ngaawukinlle apaalle ohokollweella mutulli.

2 Epilli 9:26

Vano aalamulella mamwene mattheene waambeella o Yufurate ophiya o ellapo ya Afilisti ni omalireni a Iguputo.

Yesaya 49:21

Vano weyaano oneerewiikoha wi, ‘Ethiyo ttaani akiyarelle anamwanaalla? Anaaka attheene yaakhwa, kahumma, kaari wuukaporoni, kaatiwalleya. Ethiyo ttaani aallenlle anamwanaalla? Vawi ngoonani, miyaano kahanlle meekha. Ethiyo anamwanaalla evenyenre wuuwi?’ ”

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.

Ezekiele 5:5

Apwiya Mulluku enallota wi, “Olla tti Yerusalemu. Koomuhiya variyari va mitundu nave aapheelliwe ni ellapo ddimodda.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Yeremiya 44:2

“Apwiya Amasiva Mattheene, Mulluku a Israele, enallota wi, ‘Mohoona ddawoopiha nnddo kamorihelleemi va Yerusalemu ni mizinda ddittheddene dda o Yuda. Vano ddittheddenennddo ddootthattuwa ntepe, khamunakhalla athu.’

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Maliro 1:19

Kaawiithana ookondananaka, koma alliwa aakitathilla. Allupa mukuthwaaka ni attekweenaaka aakhwa mu muzinda, mvo yaashaashiiwa yoocha wi ephwanyettho masiviiwa.

Ezekiele 26:2

“We mwaana a muthu, athu a o Tiro yaamunyemulla Yerusalemu wi, ‘Ha! Olle waari mullako woovollowella mitundu dda athu ohoonongeya. Millako ddaye ddoonihulleyella vano nineerokhalla ni eyuuma vawi ootthattuwa ntepe.’