Malaki 4:3 - Mawu a Mulluku

³ Va nllapo kinaanikhozeeminno, muneerewaagonjiha oonanara nave enaakhalle wonanko nthupi vatthi va manyallwaanyu. Kinallota tti mi Apwiya Amasiva Mattheene.

Malaki 4:3 ပူးပေါင်းရင်းမြစ်များ

Yobu 40:12

Omuwehe arive muthu awiinyarulla nave omuyevihe, waanyingallelle oonanara mvo yiimenlliiwa.

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Malaki 3:17

Vano Apwiya Amasiva Mattheene yaallota wi, “Athu yaayo enaakhalle aaka, enaakhalle aakaaka va nllapo nno kinaanikhozeemi.” Kineeroweerella echifundo wonanko mmo muthu anamweerelleeye echifundo mwanaye oyo anamwiiwellella.

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Yesaya 26:6

Onnanyingallelliwa vatthi ni manyallo a oohoosiwa ni etotopwa dda oohoowa.”

Yawuupullulla 14:20

Mpesooyo waavotiwa mu yoovotella yaari otte wa muzinda nave nikhame sika nakhumalle moovotella mpesammo neetellella wonanko muhinje woorekama makilomita 300 nave owallamella wiwa vakhuviru mamita meelli.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Ezekiele 28:18

Waheera ddoonanara ddinchichi vookullani ni okulliha ddeko sika mapurwaawo oollapellamo wahaaripiha. Vano kaakhariha munllo variyari vawo kuushellelliha. Kahuutthattusa ntuura va ellapo yavatthi vamiitthoni va attheene oowoona.

Yesaya 25:10

Apwiya eneeroteteza mwaangwiiwa ni nnatta niwa koma Amowabu eneeronyingallelliwa wonanko manyowa munllitini.

Masalimo 91:13

Oneerekonyingalla mukango ni evilli, oneerekonyingallella mukango ni enowa.

2 Samuele 22:43

Kahaasillasilla wonanko nthupi noovava ni ephevo, kahaavota wonanko matokwi a m'musewuni.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

2 Samuele 22:39

Kahaaphoriiha wawi kheyaahihimuwallettho, kahaanyingallella ni manyallwaaka.

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

Maliro 1:15

“Apwiya yahaanyaambusa amasiva attheene ayo yakhalla ni miyaano. Aatthukumaniha mulloko wa athu wi owoononge asombwaaka. Apwiya aamunyingallella mwaana aamutthiyana, Yuda, wonanko mmo mpesa onavotelliwiiwa.”

Masalimo 147:6

Ennaawelliha oonyingallelliwa, koma ennaakitthiha athu oonanara.