Malaki 4:2 - Mawu a Mulluku

² Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Malaki 4:2 ပူးပေါင်းရင်းမြစ်များ

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yesaya 53:5

Yaamuhoma ekaamba ya machimwaahu, yaamuphinyulla ekaamba ya ddoolakwa ddahu. Ollaka nko wamumorenlle olliye woonivaha hi murendelle, makhwataaye aanichiriha.

Malaki 3:16

Vano athu oowoova Apwiya yahaamba okambirana nave Apwiya yahaapella maaru ni wiiwa. Vamiitthoni viwa vaakhalla nibukhu na yawuupusella mmo mwalembiwe manddina a athu oowoova ni waavaha olemu.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

Yohane 1:4

Mwa yaayo mwaakhalla okumi nave okumooyo waari owala wa athu.

2 Samuele 23:4

anaaphiyera wonanko owala woohinase, anakhallattho wonanko murimu oyo anamelliha munyepu muthayani.

Yawuupullulla 22:2

Muhinjoolla wavira variyari va musewu muullupalli wa muzindoolla nave embali ddittheddene dda muhinje yoolla waakhalla muteekho wa okumi oyo wimma ezipaso ddiwa orive mweeri sika vamuyakhani wimma olendo khumi ni wiilli. Makukhwiiwa yaari murete woochiriha athu a mitundu ddittheddene.

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Yawuupullulla 2:28

Kineerewaavaha olamulello yoolla moollikana ni mmo kaakhellelleemi wa Attiitthaaka. Kineerewaavahattho etheneeri ya thanda.

Masalimo 147:3

Ennaachiriha athu a murima woovoreya, ennaamaka makhwatiiwa.

Masalimo 103:3

Tti alliwa enakhululukella machimwaawo mattheene, enachiriha ereta ddawo ddittheddene.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Yesaya 35:6

Oorakalla eneerollupha wonanko mphoyo, oohillota eneerewiipa moohakallalla. Aneetuutu eneerotuuwa muchipululuni, mihinje ddineereweeta mu ellapo yawumma.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 13:47

Vawi ella sika Apwiya yanilamulliiwa wi, ‘Kooweerani wi mukhalle owala wa athu ayo ehiri Ayuda, wi ovullusa waka ophiye o makomello a ellapo yavatthi.’ ”

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Ezekiele 47:12

Vakhwipi va muhinjooyo vaakhalla miteekho dda orive mutundu ddawimma ezipaso. Makatthiiwa khewa enyaalla nave ezipaso ddiwa khadduukunuwa. Ddineerewimma orive mweeri kaambiiwa maaddiiwa tti oovenyera o enyumba ya Apwiya. Athu eneerekoddicha nave makatthiiwa eneerekopharihiwa mutteko wonanko murete.’ ”

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Masalimo 85:9

Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.

Masalimo 67:1

Nyu Mulluku, muneerelle echifundo nave munidalise, ekhovaanyu eniwalelle.

Yawuupullulla 11:18

Athu oohimullapella Mulluku yaasha murima, koma enthawaanyu yoosha murima yoophiya, enthawi yawi ookhwa yeeruziwe. Enthawi yowaathuva oorumeyella, anamallotellaanyu yoophiya, nave athwaanyu attheene, ayo enawoovani, uullupalli ni ang'onong'onweene. Enthawi yoophiya yoowoononga ayo enoononga ellapo!”

1 Yohane 2:8

Koma lamulo kinuulembelleemini vano tti na naanweenettho nave yawooniiwa ennooneya mwa Khrisitu navettho mwa nyuwaano. Vawi epiphi enimamalla nave owala wawoona onnamolleella.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 1:8

Olliyoolla khaari owalanngu koma aawa wi akhalle mboni a owalanngu.

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Yeremiya 17:14

Nyu Apwiya, kichiriheni nave ddawoona kineerochira. Kivulluseni nave ddawoona kineerovulluwa ddawoona. Nyu tti oyo kinamuthokozeemi!

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Yohane 12:40

“Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

Masalimo 61:5

Nyu Mulluku, mohiiwa nnddo killupenlleemi, mookivaha yaakayaaka eyo enaakhella athu oowoovani.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”