Malaki 4:1 - Mawu a Mulluku

¹ Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Malaki 4:1 ပူးပေါင်းရင်းမြစ်များ

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

Malaki 3:2

Ttaani anaawore anaavillelle nllapo na owa wiwa? Ttaani aniimelle alliwa yaakhumellella? Vawi enaakhalle wonanko munllo wa aweeka mikoko apaalle sopo aweelliha.

Yesaya 47:14

Ngoona, athwaalla tti wonanko mittatthi, eneeroosha ni munllo, Khewora wiivullusa weekhiiwa o masiva a mallumi amunllo. Munllweene tti woohootheya tti woohaatamelleya.

Yesaya 5:24

Sika wonanko munllo onoonongelliiwa muttatthi ni manasi, emoddamoddave yeeyo musisiiwa oneerewunta nave malluwiiwa eneeronyaalla ni ovava wonanko nthupi kaambiiwa yaakhoota malamulo a Apwiya Amasiva Mattheene nave yaavevulla mawu a Aweella a Israele.

Obadiya 1:18

Athu a Yakobo enaakhalle wonanko munllo, athu a Yosefe enaakhalle wonanko mallumi amunllo. Eneerowoononga athu a Esau wonanko munllo onashellellihiiwa makoto, khekhallavo edduullu ya Esau enaavulluwe. Mi Apwiya koollota.”

Malaki 3:15

Koma nineesa wi athu awiitukhulla sika eri oodala. Athu oochimwa ddeko ddinnaweetella phaama mwawi naari emweesille Mulluku kheyiivo enaamorella.’ ”

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Yobu 18:16

Vatthi, misisi ddaye ddinnumma, vaddullu, enthambi ddaye ddinnanyaalla.

Luka 21:20

“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella.

Luka 19:43

Enthawi eneerophiya yawi adanaawo eneerokata malliti moowaapheella nave eneerewaapheella embali ddittheddene.

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Malaki 4:5

“Ngoonani, nllapo nuullupalli ni nawoopiha nihinaphiye, kineerewuurumihellani namallotella Eliya.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Zekariya 14:1

Ngoonani, nllapo na Apwiya ninimawa mvo ddeko nnddo adanaawo yawaakhilliiwa enaaddikawaniiwa weyaano woonaka ni miitthwaawo.

Zefaniya 1:14

Nllapo nuullupalli na Apwiya nohaatamella, niri vakhuviru nave nineerophiya mwawaakuva. Nllapo nenno oneerokhalla okhuwa woovoreya naari akhoto amasiva aneerewinlla mookhuwa.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Yowele 2:1

Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

Eksodo 15:7

Munnaagonjiha adanaanyu ni ntitimiho nanyu nuullupalli, osha murima wanyu onnawoosa wonanko mittatthi.

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Amosi 2:9

Komathi tti mi kawoonongille Aamori, Aisraele yoonaka yaphiyiiwa valle naari alliwaayo yaari oorekama wonanko mukunguza, naari yaari amasiva wonanko miteekho dda muthundu. Kahoononga ezipaso ddiwa m'miteekhoni ni misisi ddiwa vatthi.

Ezekiele 7:10

“Onani nllapo nootulli ninimawa! Ollakiwa wanyu woophiya! Okota wanyu woophiya voonanara nave wiitukhulla wanyu wohooneyella vaweella.

Yesaya 41:2

Ethiyo ttaani amuwiillena oogonjihoolle oovenyera wookhuma nndduwa, olle opambana orive weko anayeeyewo. Ethiyo ttaani anamukavihera wi aapambaneke athu a mitundu ddimodda ni waagonjiha mamwene? Nsupada naye ninnatthattusa athu okhalla nthupi, muuraaye onnaamwara wonanko mallulla.

Yesaya 40:24

Alliwa tti wonanko mmiddo wawaalliwa wene, apaalle woomiddiwa wene wawaambella otthipella misisi. Apwiya yoopihellavo ephevo mmiddooyo onnumma, namangalle annawuvaviha wonanko mallulla.”

Masalimo 119:119

Athu attheene a va ellapo yavatthi, munaweesa wonanko ddavaddallani, sika ekaambiiwa kinakondelleemi malamulwaanyu.

Luka 6:23

Hakallallani ddeko ddenndda ddaaweereyellakani nave mwiine ni ehakallallo kaambiiwa muneerothuviwa wuullupalli oddullu. Vawi makhollo a athu oonanaraayo yaheera ddimoddamoddave ddennddo wa anamallotella.”

Yesaya 9:18

Vawi onanara wa athu onakhara wonanko munllo wawoosa miiwa ddoohiyanahiyana. Onnashellellihattho otthako nave mwiisiiwa onakhalla wonanko murapo wawiitivalla.

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

Ezekiele 20:38

Kineerewuuvenyihellani athu ayo enakiwukila ni okichimwella. Kineerewaakhumiha mu ellapo eyo enakhalliiwamo koma khewa enyingalla mu ellapo ya Israele. Sika muneerodduwella wi mi tti Apwiya.

Ezekiele 21:32

Muneerokhalla wonanko ekhuni viikho. Amodda eneerewuukhumihani nikhame mwiillaponi mwanyu mwemmo. Khaavo oyo anaawuupuwellenittho. Mi Apwiya Mulluku koollota.”

Ezekiele 24:11

Vano ohiye vamankhallanimvo epalli moohikhalla ello ophiyera efiiralle, ddoonanara ddiwa ddittheddene ddittotthowille nave murawa ovenyillemo

Ezekiele 34:17

“Vano voollotani dda nyuwaano, enkhosa ddaka, mi Apwiya Mulluku kinuulleellani wi kineereweeruza variyari va enkhosa ni enkhosa ekhwiiwa, variyari va nankhoro a enkhosa ni a epuri.

Malaki 3:3

Nave eneeroowa wi yeeruze wonanko aweeka ni oomweelliha siliva. Aneereweelliha edduullu dda Levi ni oweeka wonanko golide ni siliva sika wi evelleelleke mikutho ddoophwanellella wa Apwiya.

Masalimo 37:9

Vallethi athu oonanara eneerewoonongeya, koma owaatiyera Apwiya eneerewaakhella ellapo yavatthi wi ekhalle yayiwayayiwa.