Malaki 3:6 - Mawu a Mulluku

⁶ “Mi tti Apwiya nave nginasintheya. Sika ekaambiiwa nyu edduullu dda Yakobo khemwaatthollosiwe.

Malaki 3:6 ပူးပေါင်းရင်းမြစ်များ

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Aheberi 13:8

Yesu Khrisitu tti yooyo oddillo, ollello ni mallapo mattheene.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Yeremiya 32:27

“Mi tti Apwiya Mulluku a athu attheene. Ethiyo yookhallavo yoohiworeya ni mi?

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Yawuupullulla 22:13

Mi tti awaambeella ni oomallihella, waamba ni omalliha.”

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Masalimo 103:17

Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

Masalimo 102:26

Ddenndda ddineeromalla koma nyuwaano muneerokhallavove, ddittheddene ddineerewaahuwa wonanko ddoowara muneerewaakakhaniha wonanko ddoowara ddawaahuwa.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Yesaya 41:13

Mi Apwiya Mullukwaawo kinnuuphara nnatta, kinuulleella wi, ‘Ohoopopiheye, kineerewuukavihera.’ ”

Hoseya 11:9

Nguullaka ni osha murima waka woowalli, ngimoonongattho Efuremu Mi tti Mulluku, ohikhalla muthu, miyaano aweella, kiri ni weyaano nave ngiwa kiwoononga.

Masalimo 78:57

Alliwa yaari oohiroromelleya wonanko makhollwiiwa, yaari oolleka wonanko muura woollova.

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.

Genesis 15:7

Sika Apwiya yaamulleella Abramu wi, “Mi tti Apwiya oyo kuukhumihalle o Uri a o Babiloni wi kuuvahe ellapweella wi ekhalle yaawoyaawo.”

Aroma 5:10

Naari adani a Mulluku koma nahaattanihiwa ni Mullukooyo oweella mu okhwa wa mwanaye. Sika vawi hiyaano nahaattanihiwa ni Mulluku, ndithu, okumi wa Khristu oneeronivullusa.

Genesis 22:16

“Apwiya enallota wi, ‘Kinimallupella wi ekaamba yawi woheera ddenndda, khokiimanne mwanawo mmoddave,

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Masalimo 102:27

Koma nyuwaano khemunasintha miyakha ddanyu kheddinamalla.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Masalimo 102:28

Anamwani a hiyaano oorumeyellaanyu eneerokhalla mwamurendelle, edduullu ddahu ddineerokeraattheya vamiitthoni vanyu.”

Yesaya 46:4

Va wuulluvalla wanyu kinaakhalleve yoolle, naari voomellani embwi kineerovirellella wuupwathani, kineerewuutukhullani ni kineerewuuvullusani.