Malaki 3:5 - Mawu a Mulluku

⁵ Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Malaki 3:5 ပူးပေါင်းရင်းမြစ်များ

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Deuteronomo 5:11

“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Levitiko 19:13

“Muhimunyingallelle mukhwiinyu apaalle omwiiyera ddeko ddaye. Muhinasunga mallivello a mullupa muttekwaanyu mahiiyu mattheene ophiyera ohinase.

Malaki 2:17

Mohaatopiha Apwiya ni ddoollota ddanyu koma munakoha wi, “Naatopihalle mwawiidde?” Mwaatopihalle voollotani wi, “Arive muthu aneera yoonanara tti aphaama vamiitthoni va Apwiya nave alliwa ennahakallallana.” Apaallettho vookohani wi, “Ari wuuwi Mulluku eechilungamo?”

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

Aroma 3:8

Vano nihinallotella tini wi, “Hankoni neere ddoonanara wi ddaphaama ddiwe?” Athu amodda yoonillotella epewe nave yooniipa mullatu wi hiyaanottho ninnallota ddeko ddenndda! Yaayo eneerollakiwa moophwanellella.

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Masalimo 81:8

Nyu athwaaka ngiiwani, kuulangizeni, nyu Aisraele, pepaani kiiwellelleni!

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.

Levitiko 20:10

“Muthu araruwa ni mwaara amwaneena, mullopwanooyo ni mutthiyanooyo attheene yiiphiwe.

Eksodo 18:21

Komattho munaphwanella wi ovenyera mwa athu attheenaalla, mwaatthoolle allopwana eezeru, oomoova Mulluku, oororomelleya ni oohaakhella ddamukaphwani nave mwaakeraatthihe yaalla wi ekhalle amodda oohoollella athu 1,000, amodda a athu 100, amodda a athu 50 ni amodda a athu khumive.

Eksodo 1:17

Koma azambaayo yaanamoova Mulluku, mwawi mawu a mwenaalle kheyaawaapwathillettho, sika anamwani aallopwanaayo yaanaahiya ni okumi.

Genesis 42:18

Viviralle mallapo mararu Yosefe ahaalleella wi, “Vawi miyaano kinnamoova Mulluku, muneerovulluwa vaavove mweera nndda.

Yakobo 5:12

Asinnaka ni arokoraka nave ohiyana ni ddittheddene, muhillupelleke mwaasimikizellaka ello. Muhillupelleke mooromolla oddullu apaalle ellapo yavatthi apaalle erive ello. Mweereke “ee” vawaakhullellani nave mweereke “iyaayi” mwaakhootaka wi muhimorelle mu echiweruzo ya Mulluku.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Luka 23:40

Mmoddooyo aamusimwella wi, “Ethiyo weyaano khonamoova Mulluku? Vawi naweenettho onaakhella ollaka omoddamodda wenngu.

Masalimo 36:1

Machimo ennallota m'murimani mwa muthu oonanara, khanamoova Mulluku m'maganizoni mwaye.

Genesis 20:11

Abrahamu ahaakhulla wi, “Kaganiza wi wuno tti onipuroni noohimoova Mulluku nave wi eneerokiipha wi emukuse mwaarakoolla.

Deuteronomo 18:10

Variyari vanyu vihikhalle oomuvelleella mwanaye aamullopwana apaalle aamutthiyana vamunlloni wonanko mukutho, awoombesa apaalle oollohella ddamuhoollo apaalle oophariha mutteko manyaka apaalle ezitumwa. Vihiphwanyeyettho ooveka ezeru wa minepa dda athu ookhwa.

Yesaya 57:3

Waani wuno nyu athu oochimwa vawi muri wonanko edduullu dda amasenga, ooraruwa ni oohule.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 5:29

“Koma mi Apwiya kinallota wi, ‘Ethiyo sika ttuulephela waallaka ekaamba ya ddenndda, oohiwuhokollosella ddoonanara mutundu wawi ddiiddoolla?’

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 27:9

Sika muhiwiiwellelle anamallotellaanyu, awoombesaanyu, oottaphullellaanyu ddoolloha, amavuwaanyu ni amasengaanyu, yaawuulleellakani wi muhimurumeyelle mwene a o Babiloni.

Yeremiya 27:10

Ennawoottotthani, adanaanyu eneerewuuvenyihani mwiillaponi mwanyu, wuuyaanani woorekama. Kineerowiikarihani nave muneerewoonongeya.

Yeremiya 42:5

Alliwa yaamulleella Yeremiya wi, “Apwiya ekhalle mboni awoona ni oororomelleya oonivaanyiha hiyaano naaheera nnddo Apwiya Mullukwaahu yuurumalliiwani wi munilleelle.

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Zekariya 11:12

Vano kaallota ni alliwaayo wi, “Dduuddivellani, kinnyeni mallivellwaaka. Koma ddaahuuddivellani, asungeni makobiraanyu.” Sika alliwa yaheerenga mallivellwaaka ookwakhwana makobiri a siliva 30.

Eksodo 20:7

“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.

Eksodo 22:20

“Arive muthu oovelleella mukutho wa milluku, ohiri wa Apwiyave, iiphiwe.

Deuteronomo 15:13

Nave moonesese wi mwamuttaphulla ahiroweke mattave.

Yobu 7:2

Wonanko kaporo ooseremella muuthuuchi, wonanko aganyu ootiyerella mallivellwaaye,

Yobu 31:12

Vawi tti wonanko mallumi amunllo ophiya o gehena, wooshellelliha vamodda ni misisi ddittheddene kiriimina.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’