Malaki 3:17 - Mawu a Mulluku

¹⁷ Vano Apwiya Amasiva Mattheene yaallota wi, “Athu yaayo enaakhalle aaka, enaakhalle aakaaka va nllapo nno kinaanikhozeemi.” Kineeroweerella echifundo wonanko mmo muthu anamweerelleeye echifundo mwanaye oyo anamwiiwellella.

Malaki 3:17 ပူးပေါင်းရင်းမြစ်များ

Eksodo 19:5

Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Masalimo 135:4

Ahiitthoollella Yakobo wi akhalle ayiwa, Israele wi akhalle yoohallaniiwa.

Deuteronomo 14:2

Nyuwaano moopatulelliwa wa Apwiya Mullukwaanyu vawi yahuutthoollani variyari va mitundu dda athu ddittheddene dda ellapo yavatthi wi mukhalle yoohallaniiwa.”

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Nehemiya 13:22

Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

Zefaniya 2:2

adani ehinuumwareni wonanko mallulla, owalli wawoopiha wa Apwiya ohinuumorelleni, nllapo na osha murima wa Apwiya nihinuuphwanyeni.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Nchipo na Solomoni 2:16

Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

Eksodo 32:32

Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Malaki 4:3

Va nllapo kinaanikhozeeminno, muneerewaagonjiha oonanara nave enaakhalle wonanko nthupi vatthi va manyallwaanyu. Kinallota tti mi Apwiya Amasiva Mattheene.

Masalimo 115:13

Eneerewaadalisa ayo enawoova, ang'onong'ono ni uullupalliine.