Malaki 3:11 - Mawu a Mulluku

¹¹ Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.

Malaki 3:11 ပူးပေါင်းရင်းမြစ်များ

Deuteronomo 11:14

Nave alliwa sika enaamurupiheke murimu mwiillaponi mwanyu enthawi yaphaama monga murimu awaamba ni murimu oomallihella wi mukhalleke ni tirigwaanyu, vinywaanyu navettho makhuraanyu.

Yowele 2:22

Nyu enama ddamuhakani, muhoove vawi munyepu wa mu echipululu onimaphuwa, miteekho ddinimiima ezipaso, namukuyu ni mpesa ddinimiima wunchichi.

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Yowele 2:20

Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

Yowele 1:4

Eyo nazombe ayihiyalleeye, yaachiwa ni nazombe mmodda eyo nazombe yoolla ayihiyalleeye, yaachiwattho ni nazombe mmodda. Eyo nazombe mmoddoolla ayihiyalleeye yaachiwattho ni nazombe mmodda.

Hagai 2:17

Kahoononga mmiddo ddaanyu ddittheddene ni ephevo, nkhuwawe ni marallalla komave khamwaaganizalle ddoorukunuwa murima, Mi Apwiya koollota.

Amosi 4:9

“Kahummiha mmiddwaanyu ni ereta owaaka nkhuwawe, nazombe ahoononga emata ddanyu ddittheddene ni ddampesa, miteekho ddanyu ddanamukuyu ni dda olivi komave khemwaahokollweelle wa miyaano. Mi Apwiya koollota.”

Habakuku 3:17

Naari namukuyu ahiphuwe malluwa apaalle mipesa ddihiime ezipaso apaalle olivi ahimme ezipaso, m'matani muhikhalle ddoocha apaalle eziweto ddittheddene ddikhwe m'makhollani,

Yowele 1:12

Mpesa wohumma, namukuyu oonyaalla, Makangaza, kanjeza, miteekho dda mapulosi ni miteekho ddittheddene dda mwiillaponi ddohumma, sika ohakallalla wa athu woomalla.

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Yowele 1:7

Ohoononga mpesaaka, ohinttaka miteekho ddaka ddanamukuyu, ooddikhwarullella, ooddikumburulla makulliiwa aatathilla, addihiya enthambi ddiwa ddiri mbee!

Hoseya 2:21

Apwiya enallota wi, “Nllapo nenno kineerewaakhulla oddullu.” “Nave oddullu oneerewaakhulla ellapo yavatthi.

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Hagai 1:11

Ella sika ekaambiiwattho kimorihalleemi ettalla va ellapo yavatthi ettheene, miyaango, va emata ddatirigu, ddampesa ni miteekho dda olivi, va ddittheddene ddoomella muthaani ni virive veko mvo athu enallimiiwa komattho va athu ni enama ddittheddene.”