Malaki 3:10 - Mawu a Mulluku

¹⁰ Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Malaki 3:10 ပူးပေါင်းရင်းမြစ်များ

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

Deuteronomo 28:12

Va enthawiine, eneerewuurumihellani murimu ovenyera oddullu nko enamusungiiwa nave eneerodalisa mitteko ddanyu ddittheddene. Muneerokongoliha mitundu ddimodda ddinchichi koma nyuwaano khamuwa mukongola o orive mutundu.

Levitiko 27:30

“Erive echigawo yaneekhumi ya mu ellapo, khaya tti mmiddo wa muthayani apaalle tti ezipaso ddammuteekhoni tti ya Apwiya. Yeeyo tti yoopatuleya ya wa Apwiya.

Nehemiya 12:44

Nllapo nenno waatthoolliwa athu oolamulella ezipinda ddoosungellamo ddeko o enyumba ya Mulluku wonanko ddoovelleella, ezipaso ddawaamba ni ddaneekhumi. Athwaayo yaatthukumaniha ddoovelleella ovenyera mu emata ddawaapheella mizinda wi ekhalle echigawo ya allupa mukutho ni Alevi moollikana ni malamulo. Vawi Ayuda attheene yaahakallalla ni allupa mukutho ni Alevi yarumeyellaayo.

Numeri 18:21

“Kohaavaha Alevi erive yaneekhumi wi ekhalle yoohallaniiwa va nnddo Aisraele enavelleelliiwa wa miyaano ekaamba ya mutteko enawuphariiwa mu musasa wamutthukumano.

Levitiko 26:10

Muneerekoocha ddookonella nave muneerekovenyihamo ddookonellannddo wi vikhalle mapuro oohiyamo ddishannddo.

2 Mamwene 7:2

Vano mulangizi oororomelleya amwene aamukoha muthu a Mulluku wi, “Naari Apwiya aneena emurupihalle murimu munchichi mwawiidde, ddenndda ttuuweereya?” Nave Elisha aallota wi, “Ddawoona, oneeroddoona ddennddo ni miitthwaawo koma khoddicha.”

2 Mamwene 7:19

Sika oorumeyella oororomelleya aamwaakhulla Elisha muthu a Mulluku wi, “Naari Apwiya mwaneena eniithellelle murimu awaata mwawiidde ddenndda ttuuweereya?” Mvo sika Elisha amulleellilleeye wi, “Oneerewoona ddenndda ni miitthwaawo koma khowa ocha.”

Hagai 2:19

Khamunna yoocha yinchichi mukhokweni mwanyu naari ezipaso ddampesa, ddanamukuyu, ddamakangaza navettho dda olivi khaddinimme. Koma waambeella ollello kineerewuudalisani.”

Nehemiya 13:5

aamukhozera Tobiya echipinda yuullupalli mmo vawaamba yasungalliiwamo mikutho dda othu, lubani,* eziwiya, ddoovelleella dda allupa mukutho navettho ddaneekhumi dda ddoocha, dda vinyo ni dda makhura nnddo ddalamuliwe wi evahiwe Alevi, athu awiipa machipo ni alonda a millako o enyumba ya Mulluku.

Nehemiya 12:47

Nave enthawi ya Zerubabele ni enthawi ya Nehemiya, Aisraele attheene yaanavelleella nllapo ni nllapo ddoovelleella wa athu awiipa machipo ni alonda a mu millako o enyumba ya Mulluku nave yaanavelleellattho ddoopatuleya wa Alevi. Nave Alevaayo yaanapatulavottho dda anamwani a Aroni, allupa mukutho.

Genesis 7:11

Nowa ari ni miyakha 600, va nllapo na 17 na mweeri waneepiilli, aneetuutu amaaddi manchichi ookhalla vatthi va ellapo yaatuuwa nave oddullu waahulleyattho wi maaddi manchichi ekhume.

Oollalleya 11:3

Mirapo ddakhalla ni maaddi murimu annarupa. Muteekho wiikuhella omwera apaalle ompoto onaakonaatthelle wenko.

1 Epilli 26:20

Ovenyera mwa Alevi, Ahiya aari mulonda a eyuuma ya o enyumba ya Mulluku ni a emphaso ddoovelleelliwa wa Mulluku.

Levitiko 26:3

“Mwaathwareke malamulwaaka mattheene nave mwiiwellelleke moollikana ni mmo kuulamulelleemini,

Deuteronomo 12:6

wi mwavelleelleke mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella dda opaalla wanyu, ddoovelleella ddoollupella, emphaso ddanyu ni ddoovelleella dda anamwani awaamba a eziweto.

Deuteronomo 14:22

“Muyipatuleke yaneekhumi ya emodda mwa ezigawo khumi ya ddoohata ddanyu dda vamuyakhani.

Deuteronomo 14:29

Yoocha yeella tti ya Alevi vawi alliwa khenna ellapo wonanko yoohallaniiwa. Navettho tti ya alleto, ya akhwaadduni ni anaamukhwelle ayo enakhalla m'muzi mwanyu. Athu yaalla eweeke ni okusa ddoorama ddiwa. Mweereke ddenndda wi Apwiya Mullukwaanyu yuudalisekeni va mitteko ddanyu ddittheddene.”

Masalimo 78:23

Komave olliye aalamula mirapo ddamuddullu, aahulla machiwi ooddullu,

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.

Ezekiele 44:30

Ddittheddene ddaphaama ddawaamba wiithwa ni va ddoovelleella ddimodda ddikhalleke dda allupa mukutho. Mwaavaheke othwaanyu wawaambeella osilla. Mweera ddiiddo mpa mwanyu muneerokhalla madaliso.

Hoseya 2:21

Apwiya enallota wi, “Nllapo nenno kineerewaakhulla oddullu.” “Nave oddullu oneerewaakhulla ellapo yavatthi.

Yowele 2:19

Apwiya yahaakhulla ni ollota wa athwiiwa wi, “Vano kineerewuurumihellani tirigu, vinyo ni makhura a olivi wi muvoneke wunchichi, nave mitundu ddimodda khadduunyaambusanittho.

Yowele 2:24

M'mapuroni moomuuputhellamo tirigu muneeroddalla, moovotellamo mpesa muneerosefukella vinyo ni makhura a olivi.

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”