Malaki 3:1 - Mawu a Mulluku

¹ Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Malaki 3:1 ပူးပေါင်းရင်းမြစ်များ

Malaki 4:5

“Ngoonani, nllapo nuullupalli ni nawoopiha nihinaphiye, kineerewuurumihellani namallotella Eliya.

Luka 1:76

“We, mwanaka, oneeroromolliwa namallotella a Mulluku Muullupalli. Oneerewaahoollella Apwiya, wi wookolle ettilla ddiwa.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Mitteko 19:4

Paulo aallota wi, “Obatizo wa Yohane waari wa orukunuwa murima. Nave ahaalleella athu a o Israele wi ekhulupilile mwa mmodda oyo anawa vatulli vaye, mwa Yesu.”

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Luka 19:47

Nllapo ni nllapo Yesu aanahuddiha mu enyumba ya Mulluku. Nave allupa mukutho uullupalli, ahuddihi a malamulo* ni attekweene a Ayuda* yaanaashaasha ettilla yoomwiiphella.

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Mitteko 7:38

Tti oyo aari ni athu a o Israele yatthukumanniiwa muchipululuni mulle. Wenko aari namunkhoswe a makhollwaahu ni mungelo oyo allota wa olliyooyo m'mwaangoni wa Sinai nave ahaakhella mawu ookumi a Mulluku wi anivahe hiyaano.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Luka 2:46

Va nllapo naneeraru yaamphwanya mu enyumba ya Mulluku, akeraatthille variyari va ahuddihi a Ayuda, awiiwellellaka, aakohakattho makoho.

Luka 2:38

Va enthawi yeeyo aayattho wa Mariya ni Yosefe, aamba omutitimiha Mulluku, allotakattho dda mwaanooyo wa attheene ayo yatiyera wi Mulluku amoopolle Yerusalemu.

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!

Mateyu 11:14

Nave mwapaalla okhulupilila othengiiwa, Yohane sika namallotella Eliya, oyo owa waye wallotelliwe.

Hagai 1:13

Vaavo Hagai, amithenga a Apwiya ahaalleella mawu a Apwiya awi, “Mi Apwiya kinuulleellani wi kiri ni nyuwaano.”

Malaki 2:4

Vano muneerodduwella wi kohuuvahani lamulo nenna wi echipanganwaaka ni allupa mukutho, edduullu dda Levi, ehilepheleye. Mi Apwiya Amasiva Mattheene koollota.

Eksodo 23:21

Mumwiiwelle olliyooyo nave mwiiwesese nnddo anaalloteeye. Muhimuwukile vawi khawa uukhululukellakani nichimo nawi ddiidda vawi masivaaka eri mwa olliyooyo.

Yesaya 40:10

Ddawoona, Apwiya Mulluku enimawa wi elamulelle mwamasiva, olamulello ori m'mattani mwiwa. Enawa ni mallivellwiiwa, aahoolliha yoothuviiwa.