Malaki 2:9 - Mawu a Mulluku

⁹ Ekaamba yawi khemwaasungalle mawaaka nave munahuddiha mawaaka mooweha ekhove kineeroweeriha Aisraele wi yuunyaambuseni.”

Malaki 2:9 ပူးပေါင်းရင်းမြစ်များ

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Agalatiya 2:6

Amodda a yaayo yooneya wi tti ooholleella, khaya yaari awi ddiidda apaalle iyaayi, miyaano nginnana mutteko vawi Mulluku khanamweeruza muthu moollikana ni mooneyellwaaye. Oohoollella yaayo kheyakivekille wi koonjerere erive ello va othenga kallalleyeemi.

Luka 11:42

“Nyu, awoottha, ahuddihi a malamulo* ni Afarisi, mookhalla ni otulli! Munnavelleella dda khumi dda ddoomella dding'onong'ono ddooddiviha yoocha. Nave munahiya weeruza mwa echilungamo ni omukonda Mulluku. Munaphwanella wi mweereke ddenndda oohihiya ddimoddannddo.

Luka 10:29

Voopaallani oddoonihella yeekha wi anneera echilungamo aamukoha Yesu wi, “Mukhwaakooyo ttaani?”

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Ezekiele 13:21

Kineeroddaahulla ekuwo ddanyu ddoomuruni nave kineerewaavullusa athwaaka m'mattani mwanyu. Khamukhallattho ni masiva owaakopella. Sika muneerodduwella wi mi tti Apwiya.

1 Mamwene 22:28

Mikaya aallota wi, “Mwahokollowawo phaama sika wi Apwiya khellotille oweella mwa miyaano.” Nave aavirellella wi, “Nyu athu attheene, iwani killotilleeminndda!”

Malaki 2:3

Ngoonani, kineerollaka edduullu ddanyu nave kineerewuumarani owiitthoni mashi a eziweto dda mikutho dda ehakallallo ddanyu nave muneerowollelliwa nimodda.

Miyambo 10:7

Oolungama annadala vawuupuwelliwani koma nnddina na oonanara nineerewunta.

Ezekiele 7:26

Otulli oneerothwarana, vineerovuwa epilli yoohimalla. Athu eneerowaashaasha anamallotella wi yaallotelle ddamuhoollo, eneerorama allupa mukutho wi yaahuddihe malamulo nave attekweene kheyaalangizattho.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Nahumu 3:6

Kineerewuuvokhella dda vaddallani, kineerewuunyindulla, kineerewuutthattusa yooromiwa.

Yobu 32:21

Ngiweha ekhove wa arive muthu apaalle ollota ddoomuddivella muthu mmodda.

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.