Malaki 2:8 - Mawu a Mulluku

⁸ Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Malaki 2:8 ပူးပေါင်းရင်းမြစ်များ

Nehemiya 13:29

Nyuwaano Mullukwaaka, upuwellani mmo yaripihelliiwa ollupa mukuthwiiwa ni mmottho yavevullelliiwa echipangano eyo mwakeraatthihalleenyu ni Alevi.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Malaki 2:5

Mu echipanganwaaka kaamulonjeza okumi ni murendelle nave ddenndda sika kamuvahilleemi wi akooveke. Mallapo yaayo aanavaha olemu nnddina naka ni okoova.

Ezekiele 44:10

“Vano Alevi ayo yakihiyalle woorekama wa enthawi eyo Aisraele yahollowilliiwa voollapellani mafano, eneerollakiwa ekaamba ya machimwiiwa.

Yeremiya 17:5

Apwiya enallota wi, “Otulli wa oyo anamuroromella muthu, oyo anahameella va muthu wi amukavihere, anakihiya mi Apwiya.

Yesaya 30:11

Khaweni nko, oohinitiyella ettilla. Khaninapaalla wiiwattho dda Aweella a Israele.’ ”

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Yesaya 9:16

Vawi ayo enaahoollella athwaalla sika enaahollosa nave oohoollelliwaayo ennarimeella.

Masalimo 119:102

Nginahiyanana malangizwaanyu vawi nyuwaano mwaakihuddiha.

Masalimo 18:21

Miyaano kaathwara ettilla dda Apwiya, ngaachimwalle voomuhiyani Mullukwaaka.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

1 Samuele 2:24

Iyaayi anaaka nndda kinawiiweemi athu a Apwiya ellotaka ni ovuwiha khe ddaphaama.

Levitiko 21:15

wi ahiripihe edduullu ddaye vawi mi tti Apwiya ayo yamupatulalle.”

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Numeri 25:12

Vano omulleelle wi kinnapanganana echipangano yamurendelle.

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

2 Mamwene 16:11

Sika Uriya mullupa mukutho aamaka nikuwanno, mwene Ahazi ahinaphiye ovenyera o Damasiko. Animakille moothwarihella echisanzo eyo Ahazi arumihalleeye ovenyera o Damasiko.

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.

Ezekiele 22:26

Allupa mukuthwaaye aatathilla malamulwaaka nave aaripiha ddeko ddaka ddoopatuleya. Khenahiyaniha variyari va ddeko ddoopatuleya ni ddeko shisha. Khenaahuddiha athwaaka ohiyana wa ddeko ddaweella ni ddooripihiwa. Khenapwatha mallapwaaka a Sabata. Sika attheenaayo aakiripiha.

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.

Ezekiele 44:12

Alliwa yaanaarumeyella athu voollapellani mafano nave yaanaahollosa Aisraele vaweerani ddiiddo. Ekaamba ya yeella mi Apwiya Mulluku kinimallupella wi yaalla enaphwanella ollakiwa ekaamba ya machimwiiwa.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’