Malaki 2:7 - Mawu a Mulluku

⁷ “Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Malaki 2:7 ပူးပေါင်းရင်းမြစ်များ

Levitiko 10:11

Mwaahuddiheke Aisraele malamulo mattheene ayo kaavelleellilleemi oweella mwa Mose.”

Deuteronomo 21:5

Allupa mukutho Aalevi eyeewottho wenko ekaamba yawi alliwa sika enaphwanella weeruza millatu ddittheddene dda ohiiwanana ni wiiphanana. Apwiya Mullukwaanyu yohaatthoolla alliwa wi ekhalle oorumeyella navettho wi yaadaliseke athu mu nnddina niwa.

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Mitteko 16:17

Aamuthwara Paulo ni hiyaano akhuwaka wi, “Athwaalla tti oomurumeyella Mulluku Muullupalli! Enallalleya wa nyuwaano mmo munaavulluselliweenyu!”

Ezara 7:10

Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Hagai 1:13

Vaavo Hagai, amithenga a Apwiya ahaalleella mawu a Apwiya awi, “Mi Apwiya kinuulleellani wi kiri ni nyuwaano.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yeremiya 15:19

Sika Apwiya yahaakhulla wi, “Wahokollweella wa mi, kineerowaakhellattho nave oneerokirumeyellattho. Waallotaka ddawoona ohiri ddoohikhalla ni mutteko onaakhalle namallotellaaka. Athu yaalla eneerohokollweella wa weyaano koma we khohokollweella wa alliwa.

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Deuteronomo 24:8

“Yuumorellani ereta ya makate, mooneseseke wi munnathwara malangizo mattheene ayo kiwinnyalleemi allupa mukutho Aalevi ayo enuulleelleewani.

Agalatiya 4:14

Nave naari ovoriiwa waka wahuuhoosani wunchichi nyuwaano, khamwaakinyaambusalle apaalle okikhoota. Koma mwaakaakhella wonanko mungelo oovenyera oddullu naari wonanko Khrisitu Yesu.

Yesaya 42:19

Ttaani ari oohoona koma ari oorumeyellaaka? Ttaani ari oohiiwa koma ari amithengaka kinamurumeemi? Ttaani ari oohoona koma kakeraatthihana echipangano? Ttaani ari oohiiwa koma tti oorumeyella a Apwiya?

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.

2 Epilli 31:4

Mwene ahaalamula athu a o Yerusalemu wi evelleelleke ddeko ddawaaphwanella allupa mukutho ni Alevi wi vaweerani ddiiddo alliwattho yiivelleelleke o lamulo na Apwiya.

Ezara 7:25

“Vano weyaano Ezara moollikana ni ezeru dda Mullukwaawo nnddo ddiri m'mattani mwawo, waatthoolle aweeruza oohiyanahiyana va athu attheene mu echigawo ya vakhopella va muhinje nave athweene oodduwella malamulo a Mullukwaawo. Vano athu ayo ehinaadduwella oneerekewaahuddiha.

Miyambo 5:2

Vano oneerodduwella makhallello aphaama nave mawaawo eneerewooniha wi onnadduwella.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Ezekiele 7:26

Otulli oneerothwarana, vineerovuwa epilli yoohimalla. Athu eneerowaashaasha anamallotella wi yaallotelle ddamuhoollo, eneerorama allupa mukutho wi yaahuddihe malamulo nave attekweene kheyaalangizattho.

Daniele 11:33

Eezeru variyari va athwaayo eneerewaahuddiha ddinchichi akhwiiwa. Koma enthawi yeella eneerewiiphiwa ni nsupada ni munllo nave eneerophariwa ni waakhiwa.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

2 Mamwene 16:11

Sika Uriya mullupa mukutho aamaka nikuwanno, mwene Ahazi ahinaphiye ovenyera o Damasiko. Animakille moothwarihella echisanzo eyo Ahazi arumihalleeye ovenyera o Damasiko.

2 Mamwene 16:16

Sika Uriya mullupa mukutho aheera ddittheddenennddo moollikana ni mmo alamulalle Ahazi.

Oollalleya 5:5

Ohillupella tti wookhwaranya ollupella koma oheera.

Ezekiele 22:26

Allupa mukuthwaaye aatathilla malamulwaaka nave aaripiha ddeko ddaka ddoopatuleya. Khenahiyaniha variyari va ddeko ddoopatuleya ni ddeko shisha. Khenaahuddiha athwaaka ohiyana wa ddeko ddaweella ni ddooripihiwa. Khenapwatha mallapwaaka a Sabata. Sika attheenaayo aakiripiha.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”