Malaki 2:17 - Mawu a Mulluku

¹⁷ Mohaatopiha Apwiya ni ddoollota ddanyu koma munakoha wi, “Naatopihalle mwawiidde?” Mwaatopihalle voollotani wi, “Arive muthu aneera yoonanara tti aphaama vamiitthoni va Apwiya nave alliwa ennahakallallana.” Apaallettho vookohani wi, “Ari wuuwi Mulluku eechilungamo?”

Malaki 2:17 ပူးပေါင်းရင်းမြစ်များ

Yesaya 43:24

Khawakikullenlle ddeko ddawunkhella, khawaakikwakhwanihelle ni makhura a mikutho ddanyu. Koma munipuroni mwene wookillemella ni machimwaawo, wookitopiha ni ddoolakwa ddawo.

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

Amosi 2:13

“Vano ngiiwani, kineerewuunyingallellani vatthi munipuroni mwanyummo, muneerewiipullella wonanko nigareta nooddalla ni katundu.

Ezekiele 16:43

Weyaano waatiwalla mallapo eenamwanaawo nave waakishiha murima ni ddeko nnddo weenreewe. Sika ekaambiiwa miyaano kuuhokolloselleemi ddoonanara ekaamba ya nnddo weerilleewe. Vallethi waahoonjerera oraruwa va ddoonanara ddawo ddimodda. Mi Apwiya Mulluku koollota.”

Ezekiele 8:12

Vano Apwiya yaakikoha wi, “We mwaana a muthu, ethiyo onnoona nndda eneera attekweene a Aisraele mwiipiphinimmu? Arive muthu anallapella nifano na Asherimu. Anallota wi, ‘Apwiya khenanoona! Apwiya aayihiya ellapweella!’ ”

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Yesaya 1:14

Miyaano kinniitana ni ehakallallo ddanyu dda wooneya wa mweeri ni mallapwaanyu aweella. Ddiri wonanko katundu oollemella nave koovillella kootopa.

Yobu 36:17

Koma vano oniipiwa mullatu wonanko oonanara, echilungamo ni echiweruzo yohuuphara.

Yobu 34:17

Ethiyo awiitana ni echilungamo ttuulamulella? Ethiyo nyu ttuumweeruza Oolungama ni Amasiva Mattheene,

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.

Malaki 3:8

Kinimuukohani wi ethiyo muthu ttuumwiiyera Mulluku? Komave nyuwaano munnakiiyera. Munnakoha wi, ‘Ninawiiyerani mwawiidde?’ Oweella mu yaneekhumaanyu ni ddoovelleella.

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Yobu 34:36

Waphaama Yobu eesiweke ophiya o mamallihello, kaambiiwa anaakhulla wonanko athu oonanara.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Yobu 9:24

Ellapo yavatthi yoovelleelliwa wa oonanara, miittho a oweeruza aakhuneelliwa. Aahikhalla olliye eerille ddenndda, ethiyo ttuukhallattho aani?

Yesaya 29:15

Otulli wa athu ayo eniipitthiha maganizwiiwa vamiitthoni va Apwiya, ayo eneera mitteko ddiwa mwiipiphini ni ollota wi, “Ttaani ananoona ni odduwella nineereehu?”

Yesaya 43:22

Apwiya enallota wi, “Koma we Yakobo, khawaavekenlle wa miyaano, we Israele, waatopa ni miyaano.

Yeremiya 17:15

Ngoonani, athu enallota wa miyaano wi, “Nndde yallota Apwiya ddiri wuuwi? Ddeereyettho wi niddoone!”

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Ezekiele 18:25

Koma nyuwaano munallota wi, Haa! Apwiya eneeriiwanndda khe ddoolungama.” Nyu Aisraele, ngiiwani vano. Ethiyo ddaweera ddaka sika ddihiri ddoolungama? Ohikhalla ddaweera ddanyu sika ddihiri ddoolungama?

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?