Malaki 2:15 - Mawu a Mulluku

¹⁵ Ethiyo Mulluku khaaweeriheni wi mukhalle mwiilli mmodda owaaka munepa ni alliwa? Ethiyo yoolingaaye yaari tini vaweerani ddenndda? Yaari yawi mukhalle ni anamwani ayo eri athu a Mulluku. Sika onesesani wi ahikhallevo naari mmodda a nyuwaano oyo oohiroromelleya wa mwaariye.

Malaki 2:15 ပူးပေါင်းရင်းမြစ်များ

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

1 Akorinto 7:14

Vawi mullopwana oyo ahiri ookhulupilila annaakhullelliwa wa Mulluku voopataanani ni mwaariye nave mutthiyana oyo ahiri ookhulupilila annaakhullelliwa wa Mulluku voopataanani ni mamune. Waahikhanlleke ddiidda, aniiwa yaaweerokhalla wonanko anamwani ayo ehiri ookhulupilila koma vawi ddiri ddiidda, ennaakhullelliwa wa Mulluku.

Genesis 1:27

Sika Mulluku ahaaphatusa athu, mullopwana ni mutthiyana, moophwanaphwana ni olliye.

Tito 1:6

muullupalli ahikhalle ni yookayikella, akhalleke ni mwaariye mmoddave nave anaaye ekhalle ookhulupilila ni oohikhalla ni epilli ya machimo naari oohiiwellella.

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Yobu 27:3

kaavirellellave ovuma ddiidda, mpweya wa Mulluku wakhallave mphunani mwaka,

Aefeso 6:4

Nyu attiitthi, muhaashiheke murima aniinyu. Koma mwaallelleke phaama vawaahuddihani makhallello ni ehuddiho ya Apwiya.

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Miyambo 7:25

Muhikuseye murima ni ettilla dda mutthiyana yooyo, muhihollowe moollikana ni meetellwaaye.

Miyambo 6:25

Ohikuseyeke murima ni oreera waye, ohikopeyeke ni miitthwaaye.

Deuteronomo 7:4

Vawi ttuwaahollosa aniinyu wi yaahiye Apwiya ni waamba ollapella milluku ddimodda. Sika mweera ddennddo owalli wa Apwiya oneerewuukharellani wonanko munllo nave eneerewuutthollosani.

Genesis 6:2

anamwani aallopwana a Mulluku yahoona wi anamwalli a athwaayo yaari ooreera, sika yahaamba waatthella ayo yaakondilliiwa.

1 Akorinto 7:2

Koma kaambiiwa vookhalla oraruwa wunchichi, tti waphaama wa arive mullopwana wi akhalle ni mwaariye nave arive mutthiyana akhalle ni mamune.

Mitteko 3:25

Nyuwaano muri edduullu dda anamallotella nave munnakawanana dda echipangano eyo Mulluku eerilleeye ni makhollwaanyu, allotilleeye wa Abrahamu wi, ‘Mwa edduullu ddawo athu attheene a va ellapo yavatthi eneerodalisiwa.’

Yohane 20:22

Nave allotilleeye ddenndda ahaaviddeellella allota wi, “Akhellani Munepa Waweella.

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Nehemiya 13:24

Sika hafu a aniiwa yallota Esidodi apaalle ellotello dda mitundu ddimodda nave kheyaaworattho ollota Eyuda.

Ezara 9:4

Vano attheene yatthukumella ni mawu a Mulluku a Israele ekaamba ya ohiroromelleya wa athu oohokollowa wuukaporonaalle, yaatthukumana mookaapheella miyaano kikeraatthille mootathilla murima ophiyera enthawi ya mukutho wa misikuwa.

Genesis 27:46

Rebeka aamulleella Isaki wi, “Atthiyana Aahitaalla, yookitopiha miyaano! Yakobottho amutthella mmodda mwa Ahiti awunwaalla, ethiyo miyaano okumaaka ttuuddivattho?”

Genesis 24:44

Olliye aakaakhulla wi wiryani navettho kineerowiryiha ekamira ddanyunndda, yooyo anaakhalle namwalli oyo Apwiya emutthoollilliiwa wi akhalle mwaara a mwaana a apwiyaaka.’

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Eksodo 20:14

“Ohiraruwe.

Levitiko 20:10

“Muthu araruwa ni mwaara amwaneena, mullopwanooyo ni mutthiyanooyo attheene yiiphiwe.

Rute 4:12

Anamwani ayo Apwiya enaawuuvahiiwa mwa mutthiyana yoolla, emake nibanja nawo woona na Perezi, mwaana a Yuda ooyariwa mwa Tamara.”

1 Samuele 2:20

Vano Eli aanaadalisa Elikana ni mwaariye voollotani wi, “Apwiya yuuvaheni anamwani mwa mutthiyana yoolla munipuroni mwa olle mwamuvekilleenyu wa Apwiya.” Yeeddiiddo yaanahokollweella owaniwa.

Miyambo 2:17

oyo anamuhiya mamune awaamba, ootiwalla echipangano ni Mullukwaaye.