Malaki 2:14 - Mawu a Mulluku

¹⁴ Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

Malaki 2:14 ပူးပေါင်းရင်းမြစ်များ

Malaki 2:15

Ethiyo Mulluku khaaweeriheni wi mukhalle mwiilli mmodda owaaka munepa ni alliwa? Ethiyo yoolingaaye yaari tini vaweerani ddenndda? Yaari yawi mukhalle ni anamwani ayo eri athu a Mulluku. Sika onesesani wi ahikhallevo naari mmodda a nyuwaano oyo oohiroromelleya wa mwaariye.

Yesaya 54:6

We Israele, Apwiya aawiithanattho. Tti wonanko namwalli oohiyiwa, ooddalla ni ethakaraka m'murimani mwaye, wonanko mutthiyana aveesombweni oyo iikarihiwe. Mullukwaawo anallota wi,

Oollalleya 9:9

Ohakallalleke ni okumi vamodda ni mwaariyo onamukondeewe va mallapo a okumaawo woohikhalla ni muttekoolla Mulluku uuvahilleeye vatthimva. Echigawaawo tti yeellave onatiyerelleewe va okumaawo navettho va mitteko ddawo nnddo onaddiphareewe vatthimva.

Genesis 31:50

Vawi Labani aavirellella ollota wi, “Waawaahoosaka anaakaalla apaalle waatthella atthiyana amodda naari vihiri arive muthu mwa alla niriihunaalla, wuupuwelle wi Mulluku sika mboni variyari va miyaano ni weyaano.”

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 42:5

Alliwa yaamulleella Yeremiya wi, “Apwiya ekhalle mboni awoona ni oororomelleya oonivaanyiha hiyaano naaheera nnddo Apwiya Mullukwaahu yuurumalliiwani wi munilleelle.

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Miyambo 2:17

oyo anamuhiya mamune awaamba, ootiwalla echipangano ni Mullukwaaye.

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Miyambo 30:20

Mmu sika mutthiyana ooraruwa aneerelleeye, acha annavutta owanoni allota wi, “Kheyiivo yoonanara keerilleemi.”

Nchipo na Solomoni 1:15

We ookondiwaaka, wooreera, ngoona namwalliwe, wooreeresesa. Miitthwaawo tti wonanko a ekhunda. Namwalli

1 Samuele 12:5

Vaavo Samuele ahaalleella wi, “Apwiya sika amboni variyari va nyuwaano ni miyaano, nayeenettho oozoziwa a Apwiya sika mboni ollellova wi nginna machimo wa nyuwaano.” Nave athwaayo yaallota wi, “Ddawoona, Apwiya sika amboni.”

Genesis 2:18

Sika vano Apwiya Mulluku yaallota wi, “Khe phaama wi mullopwana akhalle yeekha. Kineeromupangella mukhwaaye wi amukavihereke.”

Yesaya 58:3

Athu enakoha wi, “Ethiyo ninahallella tini vawi nyu Apwiya khamunoona? Ethiyo niniikatamihella tini vawiiyevihani vawi nyuwaano khamunapwathawo.” Apwiya enallota wi, “Ollota ddawoona, nllapo nne munahalleenyu ocha, munaashaasha ddeko nnddo ddinuuvaheni mphuro nave munnaahoosa allupa muttekwaanyu attheene.

Oweeruza 11:10

Attekweene a o Giliyadaalle yaamulleella Yefita wi, “Nohaakhullella nndda onalloteewe Apwiya ekhalle mbonaahu.”

Malaki 3:8

Kinimuukohani wi ethiyo muthu ttuumwiiyera Mulluku? Komave nyuwaano munnakiiyera. Munnakoha wi, ‘Ninawiiyerani mwawiidde?’ Oweella mu yaneekhumaanyu ni ddoovelleella.

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Miyambo 5:20

Mwanaka, kaambiiwa tini okuseyeewe murima ni mutthiyana ooraruwa? Onakhupaarella mwawiidde ethirima ya mutthiyana oohikhalla aawo?

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”