Malaki 2:10 - Mawu a Mulluku

¹⁰ Ethiyo attheenehi ttiitthiihu khahiyo mmodda? Ethiyo khahiyo Mulluku mmoddave aniphatusalle attheene? Ethiyo vano kaambiiwa tini nihinaroromellanaahu mmodda ni mukhwaaye nave kaambiiwa tini nihinasungeehu echipangano eyo Mulluku akeraatthihalleeye ni makhollwaahu?

Malaki 2:10 ပူးပေါင်းရင်းမြစ်များ

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Aefeso 4:6

vookhalla Mulluku mmodda ni Attiitthiiwa a athu attheene, oyo tti Apwiya a athu attheene, anaphara mutteko oweella mwa attheene nave ari mwa attheene.

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Yesaya 64:8

Komave nyu Apwiya muri attiitthiihu. Niri wonanko olloko nave nyuwaano muri wonanko awoopa vawi niri mitteko dda mattaanyu.

Mitteko 7:26

Osaka wene aawoonattho Aisraeleve eelli yiikimawana nave aapalla wi awaattanihe voollotani wi, ‘Allopwana nyu, attheenenyu muri Aisraeleve vano munawanella tini?’

Mateyu 3:9

Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Yohane 8:41

Nyuwaano muneera wonanko attiitthaanyu.” Yahaakhulla wi, “Hi khanaayariwe muuraruwani, nookhalla ni Attiitthiihu mmodda, Mulluku.”

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Ezekiele 33:24

“We mwaana a muthu, athu ookhalla m'matepeni a mizinda dda o Israele enallota wi, ‘Abrahamu aari muthu mmodda nave aavahiwa ellapo ettheene. Koma hiyaano niri anchichi sika vano ellapweeyo yoovahiwa wa hiyaano.’

Yesaya 51:2

Ngaganizani dda Abrahamu nikhollo nanyu attiitthaanyu ni Sara oyo uuyarilleni, kamwiithaneemi Abrahamu, khaarina mwaana koma kaamudalisa, kahoonjerera edduullu ddaye.

Yesaya 44:2

Mi tti Apwiya ayo yuuphatusalle, ni yawoopille m'mirimani mwa amaayo ayottho enuukavihera. We Yakobo, oorumeyellaaka, we Yeshuruni, ootthoolliwaaka, ohoove.

Yesaya 43:15

Mi tti Apwiya, Aweella, Oophatusa a Israele, mwenaanyu.”

Yesaya 43:7

arive muthu oyo anadduwelliwa ni nnddina naka, oyo kamphatusalleemi ekaamba ya ntitimiho naka, oyo kamoopilleemi ni ompanga.”

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.

Yobu 31:15

Ethiyo khe mmoddave yooyo akipangille miyaano ni olliye? Ethiyo khe mmoddave oyo aniphatusalle attheenehi mwiirukulluni mwa ameehu?

Nehemiya 13:29

Nyuwaano Mullukwaaka, upuwellani mmo yaripihelliiwa ollupa mukuthwiiwa ni mmottho yavevullelliiwa echipangano eyo mwakeraatthihalleenyu ni Alevi.

Yoswa 24:3

Vano kaamukusa Abrahamu nikhollo nanyu okhopella wa muhinje wa Yufurate kimweetiha mu ellapo ettheene ya Kanani, kiruuwiha edduullu ddaye nave kaamuvaha Isaki.

Eksodo 19:5

Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Aroma 9:10

Nave khe yeellave. Vawi Rebeka aamuyarella Isaki nikhollo nahu anapattha aallopwana eelli.

Aroma 4:1

Vano ninaallote tini dda Abrahamu nikhollo nahu? Oonille tini va okumaaye?

Mitteko 17:25

Nave khanarumeyelliwa ni athu wonanko olliye annapaalla ello kaambiiwa olliye sika anavaha okumi ni weeriha wi nivumeke ni ovaha erive ello wa athu.

Mitteko 7:2

Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Yohane 8:56

Attiitthaanyu Abrahamu aanatiyerella wi oone nllapo na ophiyera waka vano ahoona nave aahakallalla.”

Yohane 8:53

Ethiyo nyuwaano tti muullupalli ohiyana ni Abrahamu oyo akhwille? Nave anamallotella yakhwillettho? Vano nyuwaano munaddeesa aani?”

Yohane 8:39

Yaamwaakhulla wi, “Attiitthiihu tti Abrahamu.” Yesu ahaakhulla wi, “Mwaariki anamwani a Abrahamu mwaawerekeweera wonanko mmo Abrahamu eerelleeye.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Luka 1:73

Wonanko mmo allupelleeye wa Abrahamu, nikhollo nahu,

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

Eksodo 19:4

‘Mwahoona nnddo kaweerelleemi Aiguputo navettho mmo kuutukhullalleemini wonanko epallame ya mpungu enaatukhullelliiwa aniiwa m'muuphelloni mwiwa nave kahuuphiyihani wa miyaano.

Eksodo 24:3

Mose aaya aalleella athu mawu ni malamulo mattheene ayo Apwiya yamulleelliiwa. Nave athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.”

Eksodo 24:7

Vano aakusa nibukhu na echipangano, aweerengella athwaayo mowiiweya phaama. Nave athwaayo yaallota wi, “Nineereweera ddittheddene nnddo Apwiya ellotilliiwa nave nineerowiiwellella alliwaayo.”

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.