Malaki 1:8 - Mawu a Mulluku

⁸ Ethiyo munaganiza wi kheviri yoonanara voovelleellani wa miyaano eziweto ddoohoona, ddoorakalla apaalle ddoovoriiwa? Munaganiza wi endunaanyu ttuuwuuhakallallellani apaalle oweerellani echifundo mwavelleella echiweto yawi ddiidda? Mi Apwiya koollota. Mi Apwiya Amasiva Mattheene koollota

Malaki 1:8 ပူးပေါင်းရင်းမြစ်များ

Deuteronomo 15:21

Koma vakhalla ello yoohikhalla phaama va enameeyo monga ottutthunya, ohoona apaalle orakalla, enama yawi ddiiddweeyo muhiyivelleelle mukutho wa Apwiya.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Masalimo 20:3

Yuupuwelle ddoovelleella ddanyu ddittheddene, yaakhullelle mukuthwaawo wooshellelliha

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Malaki 1:7

Munnakinyaambusa voovelleellani yoocha yooripihiwa va nikuwa naka. Koma nyuwaano munakoha wi, ‘Ethiyo niniripihalle mwawiidde?’ Kinuulleellani wi mooniripiha vooneesani noohikhalla ni mutteko.