Malaki 1:4 - Mawu a Mulluku

⁴ Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’

Malaki 1:4 ပူးပေါင်းရင်းမြစ်များ

Ezekiele 25:14

Kineeromullaka Edomu ni nnatta na athwaaka Aisraele. Eneeromweerella moollikana ni mmo osha murima waka ni owallaaka onaapaallelliiwa. Sika aneerewoona ohokollosella ddoonanara waka. Mi Apwiya Mulluku koollota.’ ”

Ezekiele 35:9

Ellapwaanyu kineeroyitthattusa matepe wa enthawi yoohimalla nave m'mizindani mwanyu khamukhalla athu. Vano muneerodduwella wi mi tti Apwiya.

Yeremiya 31:17

Vookhalla etiyerello, edduullu ddanyu ddineerohokollweella owaani wuno. Mi Apwiya koollota.”

Yesaya 34:10

Munllooyo oneerokhara otthaana ni mahiiyu nave mwiisi oneerothuwa wa enthawi yoohimalla. Ellapo eneerokhalla echipululu va mibado ni mibado nave khaavo naari mmodda aneetemottho.

Yesaya 34:5

Apwiya aakhoza nsupada niwa oddullu nave ninimakittha wi naallake Aedomu, athu ayo esimikizalliiwa wi ewoononge.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Malaki 1:3

nave kahiitanana Esau ni edduullu ddaye. Kaatthattusa miyaango ddaye matepe ni ovelleella yoohallanaaye wa akhatwe a mu echipululu.”

Amosi 6:2

Khaweni o muzinda wa Kaline wi moone, muyettho o Hamati, muzinda woovuwoolle vano mukitthelle o Gati wa Afilisti. Ethiyo nyu Aisraele, munnaakhwaranya athu a moomwene yaalla, apaalle ellapwiiwa tti yuullupalli okhwaranya yawinyu?

Ezekiele 11:10

Nyuwaano muneerokhwa ni nsupada nave kineerewuullakani ophiyera m'malireni a Aisraele. Vano muneerodduwella wi mi tti Apwiya.

Maliro 3:37

Ttaani anaawore olamula wi ddawi yooriyoori ddeereye, yaarimi Apwiya ehaakhullenlle ddennddo?

Yesaya 10:4

Khayiivo enaahalle koma ophariwa variyari va athu oophariwa apaalle okhwa variyari va athu awiiphiwa. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Miyambo 21:30

Khaviri ezeru wiiwesesa apaalle malangizo owaapambana Apwiya.

Masalimo 137:7

Nyu Apwiya, upuwellani nndde yeerille Aedomu va nllapo nawoonongeya wa Yerusalemu, valle yallotiiwa wi, “Mukumulleni Yerusalemu, mukumulleni Yerusalemu, ophiyera vamatthipello vaye.”

Masalimo 127:1

Apwiya yaahimaka enyumba, oomaka enyumbaayo enamakella nivuddo. Apwiya yaahiwuwehera muzinda, oowehera enasedderella nivuddo.

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Yobu 12:14

Akumulla, khaavo oomakattho. Amuwallella muthu mundende, khaavo oomuhullella.

Yobu 9:4

Mulluku tti eezeru ni amasiva, khaavo anaallipanena ni opambana.

Mateyu 12:30

“Muthu oyo ahiniiwanana ni miyaano, yooyo annakikhoota miyaano; navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yeremiya 49:8

Nyu athu a o Dedani hokollowani, thawani mwiipitthe! Vawi kineerollaka edduullu dda Esau va nllapo na weeruziwa wiwa.

Yeremiya 49:20

Sika vano apellani maaru nnddo kikeraatthihalleemi ddoomullakella Edomu ni athu a o Temani. Ddawoona, aniiwa eneerophariwa nave athu attheene eneerotathilla murima ekaamba ya otulliiwa.

Ezekiele 25:13

Sika Edomu kineeromullaka ni nnatta naka nave kineeromoononga vamodda ni enama nnddo ddiri wenko. Ellapweeyo kineeroyitthattusa echipululu waambeella o Temani ophiya o Dedani nave athu anchichi eneerewiiphiwa vakhotoni.

Ezekiele 26:14

Kineerewuutthattusa nlluku. Oneerotthattuwa nipuro nawaaneyavo mathavi nave khowa omakiwattho. Mi Apwiya Mulluku koollota.’

Ezekiele 35:4

Mizinda ddanyu kineerodditthattusa matepe ellapwaanyu eneerokhalla echipululu. Vano muneerodduwella wi mi tti Apwiya.

Amosi 3:15

Kineerokumulla enyumba dda enthawi yooriirya ni dda enthawi yooviha. Enyumba ddoowallamella mutengo ddineerewoonongeya, enyumba dduullupalli ddineeropwalluwa.” Mi Apwiya koollota.

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Amosi 6:11

Ddawoona, Apwiya yalamula enyumba dduullupalli ddineerokumuwa, dding'onong'ono ddineerotthattuwa matepe.

Obadiya 1:1

Alla sika masomphenya a Obadiya ayo Apwiya Amasiva Mattheene yallotilliiwa dda Edomu. Nohiiwa othenga woovenyera wa Apwiya nave amithenga oorumihiwa variyari va mitundu dda athu nave anallota wi, “Venyani! Hankoni nawane ekhoto ni Edomu!”

Obadiya 1:10

“Ekaamba ya ekuku wamweerelleewe mwanamunno Yakobo, owulliwa muru eneerewuuhuruwella, oneerewoonongeya wa enthawi yoohimalla.

Masalimo 33:10

Apwiya ennatthattusa ddoohikhalla ni mutteko, ddoolinga dda athu a mitundu, maganizwiiwa mattheene ennaatthattusa oohikhalla ni mphuro.

Yeremiya 49:7

Apwiya Amasiva Mattheene enallota dda Edomu wi, “Ethiyo ezeru ddohaamallella athu a o Tema? Ethiyo athu eezeru olangiza wiwa woomalla? Ethiyo ezeru ddiwanndde ddooriirya?

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.