Malaki 1:2 - Mawu a Mulluku

² Apwiya enallota wa athwiiwa wi, “Kinnuukondani nyuwaano.” Koma alliwa yahaakhulla wi, “Ethiyo moonihalle echikondaanyu va hiyaano mwawiidde?” Apwiya yahaakhulla wi, “Esau ni Yakobo yaari muthu ni mwanamunne koma kamukondille Yakobo ni edduullu ddaye

Malaki 1:2 ပူးပေါင်းရင်းမြစ်များ

Yeremiya 31:3

mi kaawooneyella kiri voorekamella. Nyu Aisraele, kinnuukondani ni echikondi yoohisintheya nave kinnavirellella ni echikondaaka yoohisintheya wa nyuwaano.

Deuteronomo 10:15

Komave Apwiya yahaakondesesa makhollwaanyu vawi munipuroni mwawaatthoolla athu amodda, yaatthoolla edduullu dda makhollwaanyu, sika wi nyuwaano, ophiyera ollello.

Deuteronomo 4:37

Ekaamba yawi Apwiya yahaakonda makhollwaanyu yahuutthoollani nyuwaano, edduullu ddiwa, yuukhumihani weekhiiwa o Iguputo ni masiviiwa muullupalli.

Malaki 2:17

Mohaatopiha Apwiya ni ddoollota ddanyu koma munakoha wi, “Naatopihalle mwawiidde?” Mwaatopihalle voollotani wi, “Arive muthu aneera yoonanara tti aphaama vamiitthoni va Apwiya nave alliwa ennahakallallana.” Apaallettho vookohani wi, “Ari wuuwi Mulluku eechilungamo?”

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 2:5

Apwiya enakoha wi, Ethiyo makhollwaanyu yakoonille ni yoonanara yawiidde yookithawella? Yaathwara ddoohikhalla ni mutteko, alliwattho yaatthattuwa oohikhalla ni mutteko.

Yesaya 43:4

Ekaamba yawi ori oowallamella mutengo vamiitthoni vaka, ekaamba yawi ori ooriiheya nave kinnuukonda, kinnavelleella mitundu ddimodda dda athu wi kiwoopolle.

Genesis 48:4

Nave aakilleella wi, ‘Kineerewuuvaha wi okhalle nikhollo nuullupalli na mitundu ddinchichi dda athu. Ellapweella kineerovaha edduullu ddawo wi ekhalle yayiwa wa enthawi yoohimalla.’ ”

Genesis 27:33

Vaavo Isaki ahaamba otthukumella wunchichi nave aakoha wi, “Ethiyo olle asayille enama awaana wa miyaano ttaani? Koocha khalle yeeyo, weyaano ohinawe. Koomudalisa khalle nave madaliso yaayo tti aaye wa enthawi yoohimalla.”

Genesis 25:23

Apwiya yaallota wa oolliye wi, “M'mirimani mwawo muri mitundu miilli dda athu. Oneeroyara mitundu dda athu ddoollipana, mwaana mmodda anaakhalle amasiva omukhwaranya mukhwaaye, muullupalli aneerekomurumeyella mung'onong'ono.”

Luka 10:29

Voopaallani oddoonihella yeekha wi anneera echilungamo aamukoha Yesu wi, “Mukhwaakooyo ttaani?”

Yohane 15:12

Lamulo naka tti nna wi mukondaneke mmodda ni mukhwaaye, wonanko mmo kinuukondelleemini.

Deuteronomo 23:5

Koma Apwiya Mullukwaanyu kheyaamwiiwellelle Balamu nave matembelelwaayo yahaatthattusa madaliso ekaamba ya wuukondani.

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,

Yesaya 63:1

“Ethiyo ttaani anavenyera o Edomu, awanre ddoofiira dda o Bozira? Ethiyo ttaani awanre ddoowara ddooreera, aneeta mookotella masivaaye?” Tti miyaano oollalleya echilungamo ni amasiva oovullusa.

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Genesis 25:25

Mwaana awaamba aari oofiira nave mwiillaaye muttheene waari wonanko yoowara yamapururu. Sika yaamuvaha nnddina nawi Esau.

Genesis 25:26

Vooyariwani mung'onong'onwaaye, nnatta naye napharille etotopwa ya Esau. Sika yaamuvaha nnddina nawi Yakobo. Anamwanaalla yayariwe Isaki ari ni miyakha 60.

1 Mamwene 10:9

Oodalisiwa tti Apwiya Mulluku ayo ehakallanlle ekaamba ya nyuwaano ni wuukeraatthihani va mpando woomwene wa Israele vawi Apwiya yaamukonda Israele wa enthawi yoohimalla sika aaweerani wi mukhalle mwene wi mwalamulelle mwa echiweruzo ni mwa echilungamo.

2 Mamwene 3:8

Vano aakoha wi, “Ethiyo niweelle ettilla eevi vooyaani okhotoninko?” Yoramu ahaakhulla wi, “Niweelle o echipululu ya Edomu.”