Malaki 1:14 - Mawu a Mulluku

¹⁴ Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Malaki 1:14 ပူးပေါင်းရင်းမြစ်များ

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Malaki 1:8

Ethiyo munaganiza wi kheviri yoonanara voovelleellani wa miyaano eziweto ddoohoona, ddoorakalla apaalle ddoovoriiwa? Munaganiza wi endunaanyu ttuuwuuhakallallellani apaalle oweerellani echifundo mwavelleella echiweto yawi ddiidda? Mi Apwiya koollota. Mi Apwiya Amasiva Mattheene koollota

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Luka 12:46

vano apwinnya a mullupa muttekoolle eneerophiya va nllapo nno ahinamutiyereeye ni va enthawi eyo ahinadduwelleeye. Apwinnyaalle eneeromuphaddaphadda nave eneeromullaka wonanko athu oohikhulupilila.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Masalimo 76:12

oyo anamalliha masiva a enduna oyo anawoopiha mamwene a va ellapo yavatthi.

Masalimo 47:2

Vallethi Apwiya Amasiva Mattheene enaphwanella wooviwa, sika mwene muullupalli a va ellapo yavatthi ettheene.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Aheberi 12:29

Vawi Mullukwaahu ari wonanko munllo wawoononga.

1 Timoteo 6:15

Mulluku yooyove ari ooriiheya ni olamulella, Mwene a mamwene ni Apwiya a apwiya, aamooniha va enthawi yoophwanellella.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yeremiya 48:10

Ootembeleliwa oyo anaphara moolesi mutteko wa Apwiya. Ootembeleliwa oyo anahiiha nsupada naye waakakatha ni owiipha athu.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Deuteronomo 28:58

“Mwiiwellelleke moororomelleya malamulo mattheene ayo elembiwe mu nibukhunna wi mooveke nnddina noottikhiniha ni nawoopiha na Apwiya Mullukwaanyu.

Genesis 27:12

Apaalle attiitthaaka eneerokaapapella nave eneerodduwella wi kinimaalleka. Sika munipuroni mookidalisa eneerokitembelela.”

Mariko 14:8

Yoolla oheera yoophwanella wi eere vookimiminellani makhura vamwiillini vaka okikhozera dda ovitthiwa waka.

Mateyu 24:51

Apwinnyaalle eneeromuphaddaphadda nave eneeromullaka wonanko athu awoottha. Eneerekewinlla ni okhuuriha miino.

Mateyu 5:35

naari vooromollani ellapo yavatthi vawi tti yoonyingallavo manyallwaaye naari oromolla Yerusalemu vawi ori muzinda wa Mwene muullupalli, Mulluku.

Malaki 3:9

Attheenenyu mootembeleliwa kaambiiwa mutundu muttheene onnakiiyera.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

Masalimo 68:35

Mulluku tti awoopiha mu nipuro naye noopatuleya. Mulluku a o Israele sika anavaha masiva ni waallipiha mwiilli athwaaye. Mulluku atitimiheye!

Masalimo 48:2

Mwaangooyo, Ziyoni tti wooreera, woohakallalliha ellapo yavatthi ettheene. Ziyoni oyo ari ompoto, tti muzinda wa Mwenaahu muullupalli.

2 Samuele 24:24

Koma mwene Davide aamulleella Aruana wi, “Kookoma, kineerokulla va mutengwiiwa muttheene. Ngivelleella mukutho wooshellelliha wa Apwiya Mullukwaaka ddeko nnddo kihikullalleemi.” Sika Davide aakulla nipuro noomuuputhellavo tirigunna ni eng'ombe ddene va mutengo wa makobiri asiliva 50.

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.

Yeremiya 48:15

Yawoononga Mowabu ni mizinda ddaye oophiya, asombwaaye akitthi eneerewiiphiwa yiiphiwe. Mi mwene, Apwiya Amasiva Mattheene, koollota.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Malaki 2:1

Nyu allupa mukutho, lamulonna tti naanyu.

Masalimo 47:3

Alliwa aanigonjihella athu anchichi, yaaneeriha wi nilamulelle mitundu ddimodda.

Masalimo 47:8

Mulluku annalamulella mitundu ddittheddene dda athu, annakeraatthi va mpandwaaye woomwene waweella.

Masalimo 102:16

Apwiya eneeromumaka Ziyoni, eneerewooneyella mu ntitimiho niwa.