Luka 9:60 - Mawu a Mulluku

⁶⁰ Koma Yesu ahaakhulla wi, “Waahiye ookhwa yaavittheke ookhwa akhwiiwa. Koma khawe waallalleye dda omwene wa Mulluku.”

Luka 9:60 ပူးပေါင်းရင်းမြစ်များ

1 Timoteo 5:6

Koma naamukhwelle oyo anahakallalliha minkhella dda yeekha, ookhwa khalle naari ari ni okumi.

Yawuupullulla 3:1

“Omulembelle oohoollella a mpingo wa o Sarde wi, “Alla sika mawu oovenyera wa oyo anasunga minepa mitthanu ni miilli ddinamurumeyella Mulluku ni oyo akusalle etheneeri dditthanu ni piilli m'mattani mwaye awi, kinnadduwella makhallellwaanyu, epilli ddanyu tti ddawi mookhalla ni okumi naari mukhwille!

2 Timoteo 4:5

Nave weyaano awiithaalla mu ddittheddene, ovillelleke ddoohoosa, ophareke mutteko woollalleya othenga waphaama nave okwakhwanihe orumeyella wawo.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

Aefeso 2:1

Khalle nyuwaano mwaari ookhwa m'munepani ekaamba ya ohiiwellella wanyu ni machimwaanyu.

1 Akorinto 9:16

Koma kaallalleyaka khe ello yookiphwanelliha okota. Vawi miyaano koolamuliwa weera ddenndda. Otulli onaakhalle wa miyaano kaahillalleya othenga waphaama yoolla!

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 8:22

Koma Yesu aallota wi, “Kithware nave waahiye ookhwa yaavittheke ookhwa akhwiiwa.”

Luka 15:24

Vawi mwanakoolla aari wonanko ookhwa, vano tti mukumi. Aarimeella, vano oophwanyeya.’ Vano yahaamba ohakallalla vamachellelloni.