Luka 9:49 - Mawu a Mulluku

⁴⁹ Yohane aamulleella Yesu wi, “Ahuddihi, naamoona muthu akhumihaka minepa ddoonanara vooromollani nnddina nanyu. Nave naheesa omuhiiha kaambiiwa khaari mmodda a mullokwaahu.”

Luka 9:49 ပူးပေါင်းရင်းမြစ်များ

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Luka 5:5

Simoni ahaakhulla wi, “Apwiya, mahiiyu mattheenaalla noophara mutteko moollipiha ohiipha ello koma vawi nyuwaano moollota, kineerovokhellawo nthavinno.”

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Mateyu 3:14

Nave Yohane apaalla wi amuwatteelle, voollotani wi, “Nyu sika munaakibatize ohiri miyaano kuubatizeni. Munawattho wa miyaano?”

Luka 9:33

Athwaalle yamuhiyalliiwa Yesu, vano Petro aallota ni Yesu wi, “Apwiya, ddookhalla phaama wi hiyaano niri vaava, nuutthipellelleni misasa miraru vaava; mmodda wa nyuwaano, mmodda wa Mose nave mmodda wa Eliya.” Koma Petro khaadduwenlle eyo alloteeye.