Luka 9:44 - Mawu a Mulluku

⁴⁴ “Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

Luka 9:44 ပူးပေါင်းရင်းမြစ်များ

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Luka 9:22

Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Aheberi 2:1

Ella sika ekaambiiwa ninaphwanellaahu wi nipwatheke wunchichi yawoona niiwalleehu woova wi ninaahollowe.

Luka 2:19

Koma Mariya aaddisunga m'murimani mwaye nave aanaddiganizera ddeko ddittheddenenndda.

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”

Yohane 16:4

Nave kohuulleellani ddenndda wi enthaweeyo yaphiya muupuwelle wi kahuulleellani. “Ngaallotille nndda vawaambeella kaambiiwa kaari vamodda ni nyuwaano.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Luka 18:31

Yesu ahaakusella oohuddera khumi ni eelli vakhwipi allota wi, “Ninaya o Yerusalemu nave ddittheddene ddalembiwe ni anamallotella dda mi, Mwaana a Muthu, ddineerokwakhwanihiwa wenko.

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

Luka 1:66

Athu attheene ayo yiiwalle, yaanaddiganizera, eniikoha wi, “Mwaana yoolla anaakhalle muthu awiidde?” Vawi ddaanooneya wi masiva a Apwiya eri ni olliyooyo.

Mariko 9:31

kaambiiwa aahuddiha oohudderaaye wi, “Mi, Mwaana a Muthu, kineerovelleelliwa wa ayo enaakiiphe. Koma vavira mallapo mararu kineerovenya wa ookhwa.”

Mariko 8:31

Yesu ahaamba waahuddiha oohudderaaye wi tti woopaalleya wi olliyooyo, “Mwaana a Muthu, aneerohoosiwa wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenya wa ookhwa.”

Mateyu 26:2

“Munnadduwella wi vavira mallapo meelli, vineerokhalla Paska. Vano mi, Mwaana a Muthu, kineerovelleelliwa wi katthomeyiwe vamutandani.”

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

2 Samuele 24:14

Davide aallota wa Gadi wi, “Mi kinimakhupanya wunchichi, ahiyeni Apwiya ekillake weekhiiwa vawi echifundwiiwa tti yuullupalli koma ohiri killakiwe ni athu.”

Yohane 16:31

Yesu ahaakoha wi, “Munnakhulupilila vano?”