Luka 9:39 - Mawu a Mulluku

³⁹ Wiilliwiilli munepa woonanara onnavollowa mwa olliye nave onnamweeriha wi akhuweke. Weeddiiddo onnamukuhella vatthi angomowa, vano annakhuma niphoru owanoni. Nave khonamuhiya shisha ophiyera omuphoriihalle.

Luka 9:39 ပူးပေါင်းရင်းမြစ်များ

Luka 8:29

Aallotille ddenndda kaambiiwa Yesu aari alamulenlle munepa woonanarooyo wi okhumemo mwa muthooyo. Erive enthawi munepa woonanarooyo waanamuvollowa. Nave naari muthooyo amakiwe ni onyolo miwono ni manyallo wi aweheriwe phaama aanaphadda amakelliwenaayennddo. Enthawi yeeyo munepa woonanarooyo waanamuhoollella wi aye ohakani.

Luka 4:35

Nave Yesu aawusimwella munepa woonanarooyo wi, “Okhurumuwe nave okhumemo mwa muthooyo!” Vano munepa woonanarooyo waamukuha vatthi muthooyo vahoollo va athu attheene, okhumamo mwa muthooyo ohimuvoreyille.

Mariko 9:26

Munepa woonanarooyo waakhuwa, omukuhella vatthi angomowa nave okhuma. Musombooyo ahooneya wonanko ookhwa sika athu anchichi yaanallota wi, “Ookhwa!”

Mariko 9:20

Sika yaawaana olliyooyo wa Yesu. Munepa woonanarooyo wamoonilliiwa Yesu, enthawi yeeyo waamutikha mwaanooyo moollipa vawi ahiikuha anuupuruwa niphoru nikhumaka owanoni.

Yawuupullulla 9:11

Ddaakhalla ni mweniiwa oyottho ari mungelo oolamulella a ollitini woowallamellesesa wulle. Nnddina naye mu ellotello ya Eheberi tti Abadoni nave mu ellotello ya Egriki tti Apoliyoni (ottaphullella “Owoononga”).

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mariko 9:18

Erive enthawi munepa woonanarooyo wamuvollowa, onnamukuhella vatthi nave annakhuma niphoru owanoni waye, anakhuuriha miino nave mwiillaaye muttheene onumma. Kahaakoha oohudderaanyu wi ekhumihe munepooyo koma kheyaawonre.”

Luka 9:38

Vano muthu mmodda ovenyera m'mullokonimmo aakhuwa wi, “Ahudduhi, kinimuuvekani, mooneni mwanaka, ari mmoddave yoolla!

Luka 9:40

Kahaaveka oohudderaanyu wi ekhumihe munepa koma kheyaawonre.”