Luka 9:31 - Mawu a Mulluku

³¹ Yahooneya mu ntitimiho na oddullu nave yaallota ni Yesu dda okhwa waye nko onaakwakhwanihelliwe o Yerusalemu.

Luka 9:31 ပူးပေါင်းရင်းမြစ်များ

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

2 Petro 1:15

Nave kineereweeseesa wi kiphwanye ettilla yawi naari kikhwille, muupuwelleke ddeko ddenndda enthawi ddittheddene.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Akolose 3:4

Okumaanyu tti omurumeyella Khrisitu nave ooneya, sika nanyeenettho muneerewooneya ni olliyooyo nave muneerokhalla ni ntitimiho naye.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Luka 9:22

Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Luka 9:30

Nave enthawi yeeyo athu eelli yaawa enallota ni olliyooyo. Athu yaalla yaari ayo yakhwille khalle, Mose ni Eliya.

Aheberi 11:22

Ekaamba ya echikhulupililo, Yosefe ari vakhuviru okhwa, aallota dda okhuma wa Aisraele mu Iguputo. Vano ahaalleella wi ekuse makhuvaaye yaakhumaka.