Luka 9:29 - Mawu a Mulluku

²⁹ Avekellaka, wooneya wa ekhovaaye waatthattuwa nave ddoowara ddaye ddaatthattuwa ddikhalla ddaweella mbee.

Luka 9:29 ပူးပေါင်းရင်းမြစ်များ

Mateyu 17:2

Nave Yesu aatthattuwa vamiitthoni viwa. Owiitthoni waye waanawala wonanko nndduwa nave ddoowara ddaye ddaakhalla ddaweella mbee.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yesaya 53:2

Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.

Yesaya 33:17

Enthawi yeeyo miitthwaanyu eneeromoona mwene awooneya mooreera nave muneerewoona ellapo yaphaama yooramballalla.

Mitteko 6:15

Attheene ayo yakeraatthille va nthato na millatunno yaamuwehesesa Sitefano nave yahoona ekhovaaye yooneyaka wonanko ya mungelo a Mulluku.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Mariko 16:12

Ddimallille ddenndda Yesu ahooneyattho ni mooneyello oohiyana wa oohudderaaye eelli ayo yeeta ovenyera o Yerusalemu.

Luka 3:21

Athu attheene ebatiziwe, Yesu nayeenettho aabatiziwa. Avekelleeye, oddullu waahulleya.

Luka 5:16

Koma aanaya onipuroni nayeekha, avekellaka.

Luka 6:12

Nllapo nimodda Yesu aawella m'mwaangoni wi avekelle nave aakhallawo mahiiyu avekellaka wa Mulluku.

Luka 9:18

Nllapo nimodda Yesu avekelleeye yeekhaaye oohudderaaye yaawa wa olliye nave ahaakoha wi, “Athu enallota wi miyaano kiri aani?”

Luka 9:30

Nave enthawi yeeyo athu eelli yaawa enallota ni olliyooyo. Athu yaalla yaari ayo yakhwille khalle, Mose ni Eliya.