Luka 9:26 - Mawu a Mulluku

²⁶ Muthu aawulliwaka muru ekaamba ya miyaano ni mawaaka vano mi Mwaana a Muthu kineerowulliwa muru ni olliye kaawaaka mu ntitimiho naka ni ntitimiho na Attiitthaaka ni angelo aweella.

Luka 9:26 ပူးပေါင်းရင်းမြစ်များ

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Mariko 8:38

Muthu aawulliwaka muru ekaamba ya miyaano ni mawaaka wa athu a mbadoolla, ooraruwa ni oochimwa, vano mi, Mwaana a Muthu, kineerowulliwa muru ni olliye kaawaaka mu ntitimiho na Attiitthaaka ni angelo aweella.”

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 25:31

“Mi, Mwaana a Muthu, kaawaka mu ntitimiho naka wonanko mwene ni angelo attheene, kineerokeraatthi vampandonaaka wantitimiho.

Yohane 12:43

Vawi yaakonda waakhella olemu wa athu ohiyana ni waakhella olemu wa Mulluku.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yuda 1:14

Enoki, muthu a mbado waneetthanu ni piilli ovenyera va Adamu, aallotella dda yaalla wi, “Ngoonani! Apwiya eneeroowa ni angelwiiwa ooheerengeya.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Aheberi 13:13

Hankoni vano niye wa olliye otte wi navevulliwekena nimodda.

Aheberi 11:26

Aadduwella wi ohoowa ekaamba ya Mesiya* waari woopaalleya wunchichi ohiyana ni eyuuma ettheene ya mu Iguputo vawi atiyerella othuviwa.

2 Akorinto 12:10

Kinnahakallalla ni ddoollova, ddoovevulliwa, ddookhupanyiha, ddoohoosa ni ddookatamiha ekaamba ya Khrisitu. Vawi kakhalla oofooka, vano kinakhalla amasiva.

Daniele 7:10

Muhinje wamunllo waakhuma oneeta vamiitthoni vaye. Mulloko wa athu anchichi waanamurumeyella nave mulloko mmodda wa athu ooheerengeya wahiimella vamiitthoni vaye. Sika nthato nahaamba weeruza mullatu nave mabukhu yaakhunuulliwa.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.