Luka 9:22 - Mawu a Mulluku

²² Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Luka 9:22 ပူးပေါင်းရင်းမြစ်များ

Luka 24:7

‘Miyaano Mwaana a Muthu kinaphwanella wi kivelleelliwe wa athu oochimwa, katthomeyiwe vamutandani nave vavira mallapo mararu kineerovenya wa ookhwa.’ ”

Luka 9:44

“Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

Mariko 9:31

kaambiiwa aahuddiha oohudderaaye wi, “Mi, Mwaana a Muthu, kineerovelleelliwa wa ayo enaakiiphe. Koma vavira mallapo mararu kineerovenya wa ookhwa.”

Mariko 8:31

Yesu ahaamba waahuddiha oohudderaaye wi tti woopaalleya wi olliyooyo, “Mwaana a Muthu, aneerohoosiwa wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenya wa ookhwa.”

Mateyu 17:12

Koma kinimuulleellani wi Eliya aawa khalle nave athu kheyamudduwenlle koma yaamweerella yapanlliiwa. Eneerokihoosa mi Mwaana a Muthu emoddamoddave yeella.”

1 Akorinto 15:4

wi aavitthiwa nave wi aavenyihiwa wa ookhwa viviralle mallapo mararu, wonanko mmo ddilembelliwiiwa mu mawu a Mulluku,

Luka 24:26

Khaphwanenlle Mesiya* wi allakiwe ahinavollowe mu ntitimiho naye?”

Mateyu 17:22

Oohuddera attheene yatthukumanniiwa mu Galileya, Yesu aallota wa alliwaayo wi, “Mi, Mwaana a Muthu, kineerovelleelliwa wa athu.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Luka 17:25

Koma vawaamba anaphwanella ahoowe wunchichi nave akhootiwe ni athu a mbadoolla.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”