Luka 8:50 - Mawu a Mulluku

⁵⁰ Koma Yesu ahiiwa nave aamulleella Yairo wi, “Ohoove koma weeremoona okhulupilila nave aneerochirihiwa.”

Luka 8:50 ပူးပေါင်းရင်းမြစ်များ

Yohane 11:40

Yesu aallota wi, “Ngawuulleelle wi wakhulupilila oneerewoona ntitimiho na Mulluku?”

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

Mariko 5:36

Koma Yesu khaapwathille ddoollotiwannddo nave aallota wa Yairooyo wi, “Ohoove koma weeremoona okhulupilila.”

Luka 8:48

Yesu aamulleella wi, “Echikhulupilwaawo yoohuuchiriha, rowa ni murendelle.”

Aroma 4:17

wonanko mmo mawu a Mulluku enallotelliiwa wi, “Kohuukeraatthiha weyaano wi okhalle nikhollo na mitundu ddinchichi.” Lonjezo nenna Abrahamu aanaakhella ovenyera wa Mulluku kaambiiwa aamukhulupilila Mulluku oyo anaavenyiha ookhwa nave oyo analamula wi ddeko ddiphatuwe.

Mariko 9:23

Yesu aallota wi, “Kaaworaka? Ddittheddene ddinaworeya ni oyo ari ni echikhulupililo.”

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Aroma 4:20

Khaahiyalle echikhulupilwaaye nave khaattikhinalle dda lonjezo na Mulluku. Echikhulupilwaaye yaamuvaha masiva manchichi nave aamutitimiha Mulluku.

Luka 8:51

Yaphiyalliiwa o enyumba ya Yaironko, Yesu aavollowa ni Petro, Yohane ni Yakobo ni attiitthinnya ni amennya a mwaanooyo. Koma khaawaakhullenlle athu amodda wi evollowettho.