Luka 8:47 - Mawu a Mulluku

⁴⁷ Mutthiyanoolle oonilleeye wi khaaworille wiipittha aawa atthukumellaka nave aakokhora vamiitthoni va Yesu. Nave vahoollo va athu attheene aallota ekaambiiwa aamuttannyilleeye Yesu ni wi aachirihiwa enthawi yeeyo.

Luka 8:47 ပူးပေါင်းရင်းမြစ်များ

Mariko 5:33

Vano mutthiyanooyo voodduwellani emweereyelleeyo, aawa moowoova atthukumellaka, akokhora vamiitthoni vaye. Nave aamulleella ddawoona ddittheddene.

2 Akorinto 7:15

Sika vano echikondaaye wa nyuwaano tti yuullupalli, anuupuwelleeye mmo mwiiwellelleenyu navettho mwamwaakhenlleenyu moovelleella olemu wunchichi.

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

1 Akorinto 2:3

Sika kawiilleemi wa nyuwaano, kaari oofooka ni ootthukumella ni woova,

Masalimo 2:11

Arumeyelleni Apwiya mwawoova, atitimiheni mootthukumella.

Mitteko 16:29

Nave ooweherooyo ahiithaniha enyali, athamakella muwari, atthukumellaka ekaamba yawoova aakokhora vakhuviru ni Paulo ni Sila.

1 Samuele 16:4

Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Masalimo 38:9

Nyu Apwiya munnadduwella ddittheddene kinapaalleemi, khehiyo wi winlla ni murima waka khoniiweya wa nyuwaano.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Mateyu 28:8

Sika yaavenyavo vanihamenimvo mwawaakuva mwawoova ni moohakallalla wuullupalli nave ethamakella waalleella oohudderaaye.

Hoseya 13:1

“Khalle Aefuremu yallota, athu yaanatthukumella vawi yaanavahiwa olemu mu ellapo ya Israele koma yaalakwa voomullapellani Baala nave eneerokhwa.

Hoseya 5:3

Kinnaadduwella Aefuremu ni Aisraele, khe awiipittheya wa miyaano. Aefuremu yaanararuwa nave Aisraele yahiiripiha.

Masalimo 66:16

Nyu attheene oomullapella Mulluku, waawoni mwiiwe, kuutthopoollelleni nnddo akeerelleeye.

Luka 8:46

Nave Yesu aallota wi, “Muthu mmodda ookittannya vawi kohoona m'mwiillini mwaka wi mamodda a masivaaka oochiriha aakhumamo”

Luka 8:48

Yesu aamulleella wi, “Echikhulupilwaawo yoohuuchiriha, rowa ni murendelle.”