Luka 8:42 - Mawu a Mulluku

⁴² Aamuvekille yeella kaambiiwa aakhalla ni mwaana aamutthiyana mmoddave a miyakha khumi ni miilli oyo aari vakhuviru okhwa. Vano Yesu ayeeye wenko, mullokooyo waanamupanikiza ekaamba yawaata.

Luka 8:42 ပူးပေါင်းရင်းမြစ်များ

Luka 8:45

Yesu ahaakoha wi, “Akittannye ttaani?” Athu attheene yaaruna nave Petro aallota wi, “Apwiya, mulloko muttheenoolla wowaapheellani nyuwaano nave onimuupanikizani.”

Luka 7:12

Aphiyalleeye vamullakoni wa etawoneeyo, aakumana ni athu emutukhullalle muthu ookhwa ekhumakana. Muthu ookhooyo aari mwaana aamullopwana yooyove anaamukhwelle. Nave mulloko wa athu anchichi a o etawoninko waarina nimodda.

Aroma 5:12

Machimo yaavollowille mu ellapo yavatthi ekaamba ya muthu mmodda, Adamu nave machimo yaalla yaawaana okhwa. Ekaamba ya yeella okhwa woohaphiyera athu attheene kaambiiwa arive muthu aachimwa.

Mariko 5:24

Vano Yesu aatimulla athaanana ni Yairo. Nave athu anchichi yaamuthwara Yesu nave mulloko waathooyo waampanikiza.

Ezekiele 24:25

Vatulli viwa Apwiya yaakilleella wi, “We mwaana a muthu, nllapo nimodda athu yaalla kineerewaakumullella mpanda yakotelliiwa oreera wiwa, oyo waaya m'mwiitthoni yaawoonaka nave yawuhiyiiwa vamurimani. Kineerewaavenyiherattho aniiwa aallopwana ni aatthiyana.

Ezekiele 24:16

“We mwaana a muthu, moorurumusa kineerowaakha mwaariyo oyo anuuya m'mwiitthoni mwawo wunchichi. Koma ohinakhupanya, ohinlle apaalle omoriha miitthori.

Oollalleya 6:12

Ttaani anadduwella ddoomuddivella va enthawi yooyeva anakhalleeye ni okumi? Okumaaye tti wa mallapo ooyeva ni woohikhalla ni mutteko. Animoona ovirellella wonanko muuthuuchi. Ethiyo ttaani anaawore omutthopoollella muthu ddeereyille vatthimva muhoollo olliye akhwille?

Yobu 4:20

Variyari va ohinase ni misikuwa annanyenyeya, annoonongeya, oohuupuwelliwattho ni muthu.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Luka 8:41

Vano muthu mmodda nnddina naye Yairo aaphiya. Aari muttekweene a mu enyumba yamavekello. Aakokhora vakhuviru ni Yesu nave amuveka wi aye owaniwa.

Luka 8:43

Nave vaavo vaakhalla mutthiyana oohoowa ni ereta yoohikhumamo oonille mweeri wa miyakha khumi ni miilli. Aallivella ddeko ddittheddene aariiyena wa allupa murete koma khaarivo aworille omuchiriha.