Luka 8:31 - Mawu a Mulluku

³¹ Minepa ddoonanarannddo ddaamuveka Yesu wi ahilamulelle wi ddakhuma mwa muthooyo ddavollowe mu nlliti noowallamellesesa.*

Luka 8:31 ပူးပေါင်းရင်းမြစ်များ

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Yawuupullulla 11:7

Vano ambonaayo yamalliha ollotella, enama yawoopiha yookhuma ovenyera ollitini woowallamellesesa wulle eneerowanana ekhoto. Nave enama yawoopiheeyo eneeropambana voowiiphani ambonaayo.

Yawuupullulla 9:11

Ddaakhalla ni mweniiwa oyottho ari mungelo oolamulella a ollitini woowallamellesesa wulle. Nnddina naye mu ellotello ya Eheberi tti Abadoni nave mu ellotello ya Egriki tti Apoliyoni (ottaphullella “Owoononga”).

Luka 8:28

Amoonilleeye Yesu, aakhuwa akokhora vamiitthoni vaye nave aallota mookhuwa wi, “Yesu, Mwaana a Mulluku Muullupalli! Nuullikalleni tini nyuwaano? Kinimuuvekani, muhikillake miyaano!”

Yobu 2:5

Koma vano onongani makhuvaaye ni mwiillaaye nave moohikayika aneerewuullotellani epewe.”

Yobu 1:11

Koma mwahiya omuteteza nave mwamwaakha ddittheddene ariiyena, moohikayikella aneerewuullotellani epewe vamiitthoni vanyu.”

Luka 8:32

Vaavo vaakhalla mulloko muullupalli wa ekumba ddichihiwaka. Vano minepa ddoonanarannddo ddaamuveka Yesu wi ddavollowe mu ekumbannddo nave ahaakhullella.

Aroma 10:7

“Naari muhikohe wi, ‘Ttaani anaakitthelle va ellapo ya ookhwa?’ ” (Ottaphullella wi amuvenyihe Khrisitu wa ookhwa).