Luka 8:28 - Mawu a Mulluku

²⁸ Amoonilleeye Yesu, aakhuwa akokhora vamiitthoni vaye nave aallota mookhuwa wi, “Yesu, Mwaana a Mulluku Muullupalli! Nuullikalleni tini nyuwaano? Kinimuuvekani, muhikillake miyaano!”

Luka 8:28 ပူးပေါင်းရင်းမြစ်များ

Mateyu 8:29

Nave yaakhuwa wi, “Nuullikalleni tini nyuwaano, Mwaana a Mulluku? Moowa wuno wi munillake ehinakwakhwane enthawi eyo Mulluku atthoonlleeye wi athu ellakiwe?”

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Yawuupullulla 20:10

Vano Satana, aallekilloolle, aavokhelliwa mu enyanja ya munllo ni sulufure, nko enama yuullupalli yawoopiha vamodda ni namallotella awoottha yavokhelliweewawo khalle nave eneerollakiwawo wa enthawi yoohimalla.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yakobo 2:19

Weyaano onnakhulupilila wi Mulluku tti mmoddave, onneera phaama. Naarithi minepa ddoonanara ddinnakhulupililattho nave ddinnatthukumella.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Luka 8:27

Yesu aphiyalleeye mukhwipi mwa enyanja aakumana ni muthu a o etawoni wenko ookhalla ni minepa ddoonanara. Wa enthawi yoorekama muthu yoolla aakhalla oohiwara nave khaakhallattho mpa koma akhalla m'makhunguni mmo mwavitthiwa athu ookhwa.

Luka 8:29

Aallotille ddenndda kaambiiwa Yesu aari alamulenlle munepa woonanarooyo wi okhumemo mwa muthooyo. Erive enthawi munepa woonanarooyo waanamuvollowa. Nave naari muthooyo amakiwe ni onyolo miwono ni manyallo wi aweheriwe phaama aanaphadda amakelliwenaayennddo. Enthawi yeeyo munepa woonanarooyo waanamuhoollella wi aye ohakani.