Luka 8:24 - Mawu a Mulluku

²⁴ Oohudderaayo yaawa wa Yesu emuvenyiha, ellota wi, “Apwiya, Apwiya! Nihanlle vakhuviru okhwa!” Yesu aavenya asimwella ephevweeyo ni mafundaayo, ddaamalla nave ddaakhurumuwa.

Luka 8:24 ပူးပေါင်းရင်းမြစ်များ

Luka 4:39

Aaya iimella vakhuviru ni mutthiyanooyo nave aalamula oviha mwiillinko wi omuhiye. Nave aachirihiwa. Enthawi yeeyo aavenya aamba waarumeyella ni ddoocha.

Luka 5:5

Simoni ahaakhulla wi, “Apwiya, mahiiyu mattheenaalla noophara mutteko moollipiha ohiipha ello koma vawi nyuwaano moollota, kineerovokhellawo nthavinno.”

Nahumu 1:4

Yahumullulla enyanja, ennumma, ennummihattho mihinje ddittheddene. Ddoomella dda o Bashani ni Karimele ddinnumma, malluwa o Lebanoni ennanyaalla.

Masalimo 65:7

Munnamaalliha onyakulla wa enyanja ni orindimuwa wa mafunde ni othiya owaruni wa mitundu dda athu.

Mateyu 14:30

Koma oonilleeye ephevo ya masiva ahoova nave aapwina m'maaddini mulle. Aakhuwa wi, “Apwiya, kivulluseni!”

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Mateyu 8:25

Oohudderaaye yaamuvenyiha nave ekhuwa wi, “Apwiya, nivulluseni nihanlle vakhuviru okhwa.”

Mariko 4:39

Vano aavenya asimwella ephevweeyo nave aallota wa maaddaayo wi, “Okhurumuwe! Omaalle!” Vano ephevweeyo yaamaalla nave vaakhalla okhurumuwa wuullupalli.

Luka 4:35

Nave Yesu aawusimwella munepa woonanarooyo wi, “Okhurumuwe nave okhumemo mwa muthooyo!” Vano munepa woonanarooyo waamukuha vatthi muthooyo vahoollo va athu attheene, okhumamo mwa muthooyo ohimuvoreyille.

Luka 8:25

Vano aallota wa oohudderaayo wi, “Echikhulupilwaanyu eri wuuwi?” Yahoova ni ottikhina ekohana wi, “Muthu yoolla tti awiidde? Vawi annalamulella naari ephevo ni maaddi nave ddinnamwiiwellella!”