Luka 8:21 - Mawu a Mulluku

²¹ Koma Yesu aallota ni mullokooyo wi, “Amoowaaka ni asinnaka tti yaayo eniiwa mawu a Mulluku nave enawiiwellella.”

Luka 8:21 ပူးပေါင်းရင်းမြစ်များ

Yakobo 1:22

Iwellellani ni weera mawaaye, muhiilleke nyookha vawiiwanive mawaayo.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

Luka 8:15

Koma mmiddo wamorenlle va ethaya yaphaama onaphwanaphwana ni athu ayo yiiwalle mawu a Mulluku nave enaasunga m'murimani woororomelleya ni waphaama. Enallipihella ophiyera yimmalle ezipaso.”

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 28:10

Vano Yesu aallota wa yaayo wi, “Muhoove, khaweni mwaalleelle oohudderaaka wi eye o Galileya nave eneerokoona miyaano wenko.”

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Luka 8:20

Muthu mmodda aamulleella Yesu wi, “Amennyu ni asinninyu yiimenlle vaattemva nave enapaalla wi ewooneni.”