Luka 8:15 - Mawu a Mulluku

¹⁵ Koma mmiddo wamorenlle va ethaya yaphaama onaphwanaphwana ni athu ayo yiiwalle mawu a Mulluku nave enaasunga m'murimani woororomelleya ni waphaama. Enallipihella ophiyera yimmalle ezipaso.”

Luka 8:15 ပူးပေါင်းရင်းမြစ်များ

Aheberi 10:36

Muvillelleke, sika wi mwamalliha weera yoopaalla ya Mulluku muneerewaakhella nnddo alonjezilleeye.

Luka 6:45

Muthu aphaama anakhumiha ddeko ddaphaama ovenyera m'murimani mwaye koma muthu oonanara anakhumiha ddeko ddoonanara ovenyera m'murimani mwaye. Vawi eyano enallota ddeko ddiddanlle m'murimani mwa muthu.”

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

Yohane 14:15

“Mwaakikondaka miyaano muneerothwara malamulwaaka.

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Aroma 7:4

Emoddamoddave yeeyottho nyuwaano, asinnaka ni arokoraka, malamulo khennattho masiva va nyuwaano. Muri wonanko ookhwa o masivaayo, ekaamba ya okhwa wa Khrisitu. Vano moopataana ni mmodda oyo aavenyihiwe wa ookhwa wi nimurumeyelle Mulluku.

Aroma 6:22

Koma vano moottaphulliwa o machimo nave nyuwaano tti akaporo a Mulluku. Yoophuravwaanyu tti okumi waweella oyo onawuhoollelleni o okumi woohimalla.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Mateyu 24:13

Koma oyo anaavillelle ophiya o mamallihello, aneerovulluwa.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Aheberi 2:1

Ella sika ekaambiiwa ninaphwanellaahu wi nipwatheke wunchichi yawoona niiwalleehu woova wi ninaahollowe.

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

1 Akorinto 7:19

Vawi ophaddiwa naari ohiphaddiwa, khonna mutteko; enapaalleya tti othwara malamulo a Mulluku.

Aroma 7:18

Vawi kinnadduwella wi yaphaama khenakhalla mwa miyaano, muthu. Vawi naari kaapaallaka weera yaphaama, nginawora weera.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yakobo 1:4

Ovillella wonngu waapharaka muttekwiiwa phaama muneerowaraalla wunchichi mu echikhulupililo ohirama erive ello.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Luka 8:14

Mmiddo wamorenlle variyari va miiwa onaphwanaphwana ni athu ayo yiiwalle mawu a Mulluku. Koma vatulli viwa ennakhuneelliwa ni ddookhupanyiha ni ddoohakallalliha okumi ni okonda eyuuma. Nave ezipaso ddiwa khaddinawaraalla.

Luka 8:16

“Khaavo muthu anakhariha enyali, ayikhuneella ni muno apaalle ayihiya vatthi va bedi. Koma anayihiya va yoohiyavo enyali wi athu ayo enavollowa mpammo yoone owalanko.

Aroma 8:25

Koma naatiyerellaka eyo nihinooneehu, ninnatiyerella yeeyo moovillella.