Luka 8:10 - Mawu a Mulluku

¹⁰ Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo kinaallotella m'maphwanaphwanihoni wi woona yooneke koma ehidduwelleke nave wiiwa yiiweke koma ehiiweseseke.

Luka 8:10 ပူးပေါင်းရင်းမြစ်များ

Yesaya 6:9

Nave Apwiya yaallota wi, “Khawe waalleelle athu yaalla wi, ‘Wiiwa munniiwa koma khamuniiwesesa nave woona munnoona koma khamudduwellesesa.’

Mariko 4:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma amodda ayo ehiri a mullokwaahu, erive ello enahuddihiwa wa alliwaayo m'maphwanaphwanihoni.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Yeremiya 5:21

nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

Yesaya 44:18

Athu awi ddiidda khenadduwella ello nave kheniiwesesa naari vang'ono. Miitthwiiwa yoomarelliwa wi ehoonena. Khenna ezeru wi ehiiweseseke.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Deuteronomo 29:4

Koma ophiyera ollello Apwiya khenuuvaheni murima wawiiwesesa apaalle miittho wi moone apaalle maaru wi mwiiwe.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

1 Akorinto 12:11

Nave tti Munepa mmoddave yooyo aneera ddittheddenenndda. Annavaha emphaso yoohiyanahiyana wa arive muthu mmo anapaallelleeye.

Yohane 12:40

“Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

Yesaya 29:14

Sika kineerovirellella oweerella ddoottikhiniha athu yaayo. Ezeru dda athwiiwa eezeru ddineeromalla nave ochenjera wa athwiiwa oochenjera oneerewiipittha.”

Ezekiele 12:2

“We mwaana a muthu, onakhalla variyari va athu oowukila. Alliwa aakhallana miittho awoonella koma khenoona. Aakhallana maaru awiiwella koma kheniiwa.

Mariko 4:12

Nndda ddiri ddiidda wi, ‘Ennaweha, koma khenoonesesa, nave enniiwa, koma kheniiwesesa. Vawi yeerilleke ddiiddo yaaweerorukunuwella wa Mulluku nave aaweerewaakhululukella.’ ”