Luka 7:6 - Mawu a Mulluku

⁶ Sika Yesu ahaathwara athwaayo. Aariiye vakhuviru ni enyumba, akhoto muullupallooyo anaarumihattho akhwaaye wa Yesu emulleella wi, “Apwiya, muhihoowe nginaphwanella wi muvollowe mpa mwaka.

Luka 7:6 ပူးပေါင်းရင်းမြစ်များ

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Mariko 5:24

Vano Yesu aatimulla athaanana ni Yairo. Nave athu anchichi yaamuthwara Yesu nave mulloko waathooyo waampanikiza.

Luka 8:49

Yesu allotaka ddenndda, muthu mmodda aaphiya oovenyera o enyumba ya Yairo, amulleella Yairooyo wi, “Mwanawo aamutthiyanoolle ookhwa. Ohivirellelle waakatamiha Ahuddihaalla.”

Yakobo 4:10

Mwiiyevihe nyookha vamiitthoni va Apwiya nave eneerowunnuwihani.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Luka 5:8

Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Luka 7:4

Yaphiyalliiwa wa Yesu, yaamuveka moollipihella wi, “Muthu anirumalloolla anaphwanella wi mumukavihere.

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

Luka 7:5

Vawi annaakonda Ayuda nave aanimakellattho enyumba yamavekello.”

Luka 7:7

Naari miyaano nginaphwanella wi koonane ni nyuwaano koma mweere moona ollota mawuve nave kaporwaaka aneerochira.