Luka 7:46 - Mawu a Mulluku

⁴⁶ Khawaazozille ni makhura omuruni waka koma olliyoolla oozoza manyallwaaka makhura a nthuko naphaama.

Luka 7:46 ပူးပေါင်းရင်းမြစ်များ

Masalimo 23:5

Munnakikhonzera yoocha adanaaka yoonaka, munnakaakhella phaama voozozani murwaaka makhura, munnamuddalliha kapwaaka ophiyera osefukella.

Oollalleya 9:8

Enthawi ddittheddene owareke ddoowara ddaphaama enthawi ddittheddene nave wiihelleke makhura owiitthoni.

Mateyu 6:17

Koma weyaano waahallaka ocha, osuusulleke navettho opeseke meehaawo,

Daniele 10:3

Kaahiya ocha ddoocha ddaphaama. Ngaachille enama apaalle omuwirya vinyo nave ngiihenlle makhura va milungu miraru ddittheddenennddo.

Masalimo 104:15

ni vinyo wi ahakallalliheke murimaaye, makhura awiihella wi mwiilli woolloweke, buledi wi amuvaheke masiva.

2 Samuele 14:2

Vano Yowabu ahaaruma athu a o etawoni ya Tekowa wi yamukusewo mutthiyana eezeru. Aamulleella mutthiyanooyo wi, “Okhalle wonanko mutthiyana ookhwelliwa, oware ddoowara dda mutthiyana ookhwelliwa. Ohiniihella makhura koma okhalle wonanko mutthiyana oyo akhanlle inllaka mallapo manchichi.

Rute 3:3

Vano ohape wiihelle makhura awunkhella phaama nave oware ddoowara ddaphaama, oye onipuroni nawuuputhellanko. Koma Bowazi ahiwoone ophiyera amallihalle ocha ni owirya.

Mika 6:15

Muneerekewaalla koma khamuhataka. Muneerekeweeka makhura a olivi koma khamwiihellaka. Muneerekovota mpesa koma vinyweene khamumullawihaka.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

2 Samuele 12:20

Davide aavenya vanthupini valle, ahapa, iihella makhura nave asintha ddoowara ddaye. Vano aavollowa mu enyumba ya Apwiya allapella. Vatulli viwa aaya owaniwa, iithaniha yoocha. Nave athu ewiillena yoocheelle, olliye aacha.

Luka 7:47

Vano kinallota ni weyaano wi echikondi yinchichi eyo oonihelleeye, tti omboni wawi machimwaaye manchichaayo aakhululukiwa koma ayo ekhululukelliwe vang'ono enoonihattho echikondi yooyeva.”