Luka 7:40 - Mawu a Mulluku

⁴⁰ Koma Yesu aallota wa olliyooyo wi, “Simoni kookhalla ni ello yawi kuulleelle.” Simoni ahaakhulla wi, “Ahuddihi, killeelleni.”

Luka 7:40 ပူးပေါင်းရင်းမြစ်များ

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”

Yohane 16:19

Yesu aadduwella wi yapaalla wi emukohe, sika ahaakoha wi, “Ella sika mwakohaneenyu mmodda ni mukhwaaye wi kaallota wi ‘Vavira enthawi yooyeva khamuwa mukoona miyaano koma yavira enthawi emodda yooyeva muneerokoonattho?’

Yohane 13:13

Nyuwaano munakeera ‘Ahuddihi’ Navettho ‘Apwiya.’ Munnallota phaama vawi miyaano tti yooyo.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Luka 18:18

Muthu mmodda a attekweene a Ayuda* aamukoha Yesu wi, “Ahuddihi aphaama, keere tini wi kaakhelle okumi woohimalla?”

Luka 6:8

Yesu aadduwella maganizwiiwa nave allota wa muthooyo wi, “Ngawa wiimelle wuno wi arive muthu awooneke.” Sika muthooyo aavenya iimella vaavo.

Luka 5:31

Yesu aawaakhulla wi, “Athu oohivoriiwa khenaya wa mullupa murete koma yaayove enavoriiwa.

Luka 5:22

Yesu aadduwella maganizwiiwa, sika ahaakoha wi, “Kaambiiwa tini muniikoheenyu ddennddo m'murimani mwanyu?

Mateyu 7:22

Va nllapo na echiweruzo, athu anchichi eneerollota wi, ‘Apwiya, Apwiya! Mu nnddina nanyu naallotella mawu a Mulluku, mu nnddina nanyu naakhumiha minepa ddoonanara ni mu nnddina nanyu naheera ddoottikhiniha ddinchichi!’

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Mateyu 26:49

Vano Yudasi aawa moomookollella Yesu allota wi, “Mooni, Ahuddihi.” Eerille ddiiddo aamukhupaarella.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Luka 7:39

Vano Mufarisi amwiithanne Yesoolle oonilleeye ddenndda, aallota yeekha wi, “Muthu yoolla akhanllenke namallotella awoona, aaweromudduwella mutthiyana anamuttannyoolla wi ttaani vawi tti oochimwa.”

Luka 7:41

Yesu aallota wi, “Waakhalla athu eelli yakongonle makobiri wa mullupa ookongoliha. Mmoddooyo aakongonle makobiri manchichi, mmoddooyo makobiri ooyeva.

1 Mamwene 2:14

Nave Adoniya aallota wi, “Koma kookhalla ni mawu ni nyuwaano.” Batesheba aallota wi, “Llotattho.”