Luka 7:39 - Mawu a Mulluku

³⁹ Vano Mufarisi amwiithanne Yesoolle oonilleeye ddenndda, aallota yeekha wi, “Muthu yoolla akhanllenke namallotella awoona, aaweromudduwella mutthiyana anamuttannyoolla wi ttaani vawi tti oochimwa.”

Luka 7:39 ပူးပေါင်းရင်းမြစ်များ

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Luka 15:2

Afarisi* ni ahuddihi a malamulo* yaananariwa ellota wi, “Muthoolla annawaakhella athu oochimwa naari ochana wene.”

Mariko 7:21

Vawi m'murimani mwa muthu munnavenyera maganizo oonanara, oraruwa wiiya, wiipha,

Yesaya 65:5

Nave ennaalleella amodda wi, ‘Venyanivoni, muhinaatamelle kaambiiwa hiyaano tti oopatuleya.’ Miyaano ngiwora ovillella ni athu yaalla vawi owallaaka va alliwa tti wonanko munllo woohithiima.

Yohane 9:24

Vano yaamwiithana wiilli muthoolle khalle aari oohoona ellota wi, “Llupella vamiitthoni va Mulluku, ninnadduwella wi muthu uuchirihalloolla tti oochimwa.”

Yohane 7:12

Nave athu yaanong'ona mmodda ni mukhwaaye dda olliyooyo. Amodda yaallota wi, “Olla tti muthu aphaama.” Koma amodda yaallota wi, “Iyaayi, yoolla anawoottottha athu.”

Yohane 4:19

Mutthiyanoolle allota wi, “Kohoona wi nyuwaano tti namallotella.

Luka 18:4

Vaavira mallapo manchichi oweeruzoolle amukhootellaka koma omamallihello wene aallota yeekha m'murimani mwaye wi, ‘Naari nginamoova Mulluku apaalle opwatha dda athu,

Luka 16:3

Mullupa muttekoolle aallota m'murimani mwaye wi, ‘Apwiyaaka eneerokichosa mutteko. Kineere tini? Ngiwora ollima nave oveka onnakiwulliha muru.

Luka 7:37

Mu etawoni yeeyo mwaakhallattho mutthiyana oochimwa. Iiwalleeye wi Yesu ammacha mpa mwa Mufarisi aakusa yookusella makhura a nthuko naphaama awaana.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Miyambo 23:7

Vawi anakhalla wonanko muthu anawiithanella yoochaaye wi, “Waawo oche ni owirya,” koma eeraka ni murima mmodda.

2 Mamwene 5:20

Koma Naamani eetille vang'ono, Gehazi oorumeyella a Elisha namallotella a Mulluku, aallota ni murima wi, “Apwiyaakaalla yoomuhiyerera Naamani Musiriya, voohaakhellani nnddo awiilleeyena wi avelleelle. Ngoonani, kinimallupella vamiitthoni va Mulluku, miyaano kineeromuthamakella wi kaakhellewo ello.”

Luka 12:17

Vano aallota yeekha wi, ‘Kineere tini vano vawi nginna ekhokwe yoohiyamo ddoohata ddaka?’

Mateyu 20:16

Vano Yesu aamalliha ni wi, “Sika oomallihella eneerokhalla awaambeella nave awaambeella eneerokhalla oomallihella.”

Mateyu 21:11

Athwaalle yahaakhulla wi, “Olla sika Yesu namallotella oovenyera o etawoni ya Nazareti a echigawo ya Galileya.”

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

Luka 7:40

Koma Yesu aallota wa olliyooyo wi, “Simoni kookhalla ni ello yawi kuulleelle.” Simoni ahaakhulla wi, “Ahuddihi, killeelleni.”